Qazaqstannyń saýda rásimderin ońaılatý boıynsha mindettemelerin oryndaý, sondaı-aq memlekettik qyzmetter kórsetý ınfraqurylymyn damytý maqsatynda 2019 jylǵy naýryzda eksporttyq-ımporttyq operasııalar boıynsha «Biryńǵaı tereze» portaly engizildi. Ony iske qosý halyqaralyq uıymdardyń usynymdary boıynsha kezeń-kezeńimen júzege asyryldy.
«Biryńǵaı tereze» portalynyń negizgi maqsaty – buryn ártúrli aqparattyq júıelerde bolǵan aqparat pen fýnksııalardy bir jerde biriktirý.
Bıyl «Eksporttyq-ımporttyq operasııalar boıynsha Biryńǵaı tereze» aqparattyq júıesin damytý jáne fýnksıonalmen tolyqtyrý jalǵastyryldy.
Máselen, memlekettik qyzmetterdi avtomattandyrý sheńberinde keden isi salasynda mynadaı qyzmetterdi elektrondyq túrde kórsetýge kóshý boıynsha jumys júrgizildi:
- «Ýaqytsha saqtaý qoımalary ıeleriniń tizilimine engizý»;
- «О́z taýarlaryn saqtaý qoımalary ıeleriniń tizilimine engizý»;
- «Keden qoımalary ıeleriniń tizilimine engizý»;
- «Erkin qoımalar ıeleriniń tizilimine engizý»;
- «Keden ókilderiniń tizilimine engizý»;
- «Ýákiletti ekonomıkalyq operatorlardyń tizilimine engizý»;
- «Bajsyz saýda dúkenderiniń tizilimine engizý»;
- «Zııatkerlik menshik obektileriniń kedendik tizilimine engizý»;
- «Kedendik tasymaldaýshylar tizilimine engizý».
Osy jyldyń sońyna deıin «Kedendik bajdardy, salyqtardy tóleýdi qamtamasyz etýdi tirkeýge ótinish» modýlin iske qosý josparlanýda.
Ýákiletti memlekettik organdarmen birlesip sáıkestikti baǵalaý týraly qujattardy (QR SIM TRMK), jabaıy janýarlardy/ósimdikterdi tasymaldaýǵa ruqsattardy (QR EGTRM), baǵaly metaldarǵa/tastarǵa memlekettik baqylaý aktilerin (QR IIDM IDK) berý jónindegi komponentterdi testileý, sondaı-aq EAEO-ǵa múshe memleketterdiń biryńǵaı kedendik tizilimderin qalyptastyrý úshin jalpy prosesterge qosylý bóliginde Eýrazııalyq ekonomıkalyq komıssııanyń aqparattyq júıesimen ıntegrasııalaý jónindegi is-sharalar aıaqtalyp jatyr.
Sonymen qatar «Biryńǵaı tereze» paıdalanýshylaryna:
- aqparattyq bólimderi bar «Biryńǵaı tereze» portaly;
- Syrtqy ekonomıkalyq qyzmettiń taýarlar nomenklatýrasyn jikteý boıynsha, shyǵarylǵan eli, jınalmaǵan/bólshektelgen taýarlar boıynsha aldyn ala sheshimder alý;
- ákelinetin taýarlardyń kedendik qunyn aıqyndaý ádisterin qoldaný máseleleri boıynsha aldyn ala sheshim alý;
- tirkelmegen pestısıdterdi ákelýge QR AShM ruqsattaryn alý;
- sáıkestikti rastaý jónindegi organdar beretin sáıkestik týraly sertıfıkattar men deklarasııalardy alý (QR SIM TRMK);
- QR DSM SEBK beretin memlekettik tirkeý týraly kýálikterdi alý;
- VIN-kod boıynsha avtokólik quraldaryn kedendik tazartý faktisin tekserý qoljetimdi.
Rastaıtyn qujattar men málimetterdi birneshe ret usyný qajettiligin boldyrmaý úshin qazirgi ýaqytta bógde júıelermen 17 ıntegrasııa iske asyryldy.
Iske asyrylǵan ıntegrasııalar málimdelgen málimetter men usynylǵan qujattardy basqa júıelerden avtomatty túrde tekserýge múmkindik berdi.
Paıdalanýshylardyń qolaılylyǵy úshin elektrondyq poshta jáne SMS-habarlamalar arqyly qyzmet kórsetý mártebesi týraly habarlama alý múmkindigi iske asyryldy.
