1 jeltoqsandaǵy jaǵdaı boıynsha qazaqstandyqtardyń zeınetaqy jınaqtary 14,4 trln teńgeden astam boldy. Sonymen qatar BJZQ málimetinshe, jyl basynan beri bul kórsetkish 1,3 trıllıon teńgeden astamǵa (nemese 10,2 paıyzǵa) ósti.
Mindetti kásiptik zeınetaqy jarnalary (MZJ) boıynsha jınaqtalǵan zeınetaqy qarajatynyń kólemi 11 aıda 20,7 paıyzǵa ósip, shamamen 436 mlrd teńgeni qurady. Jyl basynan beri eń úlken ósim – 94,5 paıyz, 3,3 mlrd teńgeden asqan erikti zeınetaqy jarnalary (EZJ) boıynsha jınaqtalǵan qarajattar boldy.
Jyl basynan beri BJZQ-dan túsken tólemder 1,1 trln teńgeden asty.
«Jas boıynsha tólemder 22,6 paıyzǵa ósip, shamamen 109 mlrd teńgeni qurady. Aıta keteıik, keste boıynsha BJZQ-dan tólenetin ortasha aılyq tólemniń mólsheri (zeınetkerlik jasqa jetýine baılanysty) 29 876 teńgeni, al eń joǵarǵysy – 707 326 teńgeni qurady», delingen BJZQ habarlamasynda.
Eske salaıyq, Eńbek mınıstrliginiń málimeti boıynsha 1 qarashadaǵy zeınetaqy tólemderiniń ortasha mólsheri (bazalyq zeınetaqy tólemin esepke alǵanda) 108 993 teńgeni qurady.
