Sapar barysynda vedomstvo basshysynyń orynbasary jóndeý júrgizilgen ǵımarattar men úı-jaılardy paıdalanýǵa qabyldaý jónindegi jergilikti komıssııalardyń qorytyndylarymen tanysty. Búginde Lýgovoı garnızonynda 400-den astam áskerı qyzmetshi sııatyn úsh kazarmada jumys aıaqtaldy. Sondaı-aq qazandyq, monsha-kir jýý kesheni men úsh turǵyn úı tolyqtaı jóndeýden ótti.
Jýaly aýdanynda aýdandyq paıdalaný bólimi jóndeý-qalpyna keltirý vzvodynyń kúshimen áskerı tehnıka men materıaldyq quraldardy saqtaýǵa arnalǵan eki angar turǵyzyldy. Budan ózge 100 oryndyq ashananyń aǵymdaǵy jóndeýi aıaqtaldy.
«Áskerı ınfraqurylymdy jetildirý - qorǵanys vedomstvosynyń mańyzdy mindetteriniń biri. Keń jáne yńǵaıly kazarmalar men ashanalar, áskerı qalashyqtardyń úzdiksiz jumys isteıtin turǵyn úı-kommýnaldyq sharýashylyǵy áskerı qyzmetshilerdiń jaıly qyzmeti men ómiriniń negizi ǵana emes, sonymen qatar jeke quramnyń jaýyngerlik daıyndyǵynyń mańyzdy faktory», dep atap ótti tekserý barysynda general-leıtenant Muhamedjan Talasov.
Taıaý kúnderi birqatar garnızonda jóndeý jumystary aıaqtalatyn nysandar paıdalanýǵa berilmek.
