«Qazaqstan Respýblıkasynyń Qylmystyq jáne Qylmystyq-prosestik kodeksterine ekologııalyq quqyq buzýshylyqtar jáne vandalızm kórinisteri úshin jaýaptylyqty kúsheıtý máseleleri boıynsha ózgerister men tolyqtyrýlar engizý týraly» zań jobasynyń negizgi maqsaty – quqyq buzýshylardy ákimshilik jáne qylmystyq qýdalaýdy kúsheıte otyryp, Qazaqstannyń tabıǵı baılyǵyn qorǵaýdy kózdeıtin quqyqtyq sharalardy ázirleý jónindegi Prezıdenttiń Jarlyǵymen bekitilgen jalpyulttyq is-sharalar josparyn júzege asyrý. Zań jobasynda Qazaqstannyń ulttyq parkteri men basqa da tabıǵı baılyqtaryn ekologııalyq zalaldan, sonyń ishinde: jerdiń búlinýinen, aǵashtardyń zańsyz kesilýinen, erekshe qorǵalatyn tabıǵı aýmaqtardy paıdalaný tártibiniń buzylýynan, jer qoınaýyn óz betinshe paıdalanýdan jáne qorshaǵan ortaǵa qoǵamdyq qaýip tóndiretin basqa da is-áreketterden qorǵaıtyn quqyqtyq normalardy belgileý kózdelip otyr.
«Qazaqstan Respýblıkasynyń Ákimshilik quqyq buzýshylyq týraly kodeksine ekologııalyq quqyq buzýshylyqtar jáne vandalızm kórinisteri úshin ákimshilik jaýaptylyqty kúsheıtý máseleleri boıynsha ózgerister men tolyqtyrýlar engizý týraly» zań jobasynda orman, sý, jer zańnamasynyń, erekshe qorǵalatyn tabıǵı aýmaqtardyń, ósimdikter men janýarlar dúnıesiniń talaptaryn buzǵany úshin laýazymdy, jeke jáne zańdy tulǵalardyń jaýapkershiligin arttyrý, sondaı-aq osy saladaǵy quqyqqa qarsy áreketter jasaǵany úshin jańa ákimshilik aıyppuldar engizý máselesi qarastyrylǵan.
Parlament depýtattary bastamashylyq etken «Qazaqstan Respýblıkasynyń keıbir zańnamalyq aktilerine qazaqy ıt tuqymdaryn saqtaý jáne ósimin molaıtý máseleleri boıynsha ózgerister men tolyqtyrýlar engizý týraly» zań jobasynda tazy jáne tóbet qazaq ıtteriniń tuqymdaryn saqtaý jáne ósimin molaıtý salasyndaǵy jumysty júzege asyrýdyń quqyqtyq, uıymdastyrýshylyq jáne ekonomıkalyq negizderin belgileý mindeti qoıylǵan.
Zań jobalary Palatanyń qaraýyna jiberildi.
