Kollajdy jasaǵan Záýresh Smaǵul, «EQ»
Baǵdarlamanyń negizgi talaptary saqtalǵanymen, birqatar ózgeris te bar. Máselen, qarjylandyrýǵa lımıt engizildi. Endi baǵdarlamaǵa jylyna 100 mlrd teńge bólinedi. Tıisinshe, ádildik qaǵıdatyn saqtaý úshin «7-20-25» ıpotekasyn tek bir ret alýǵa bolady. Iаǵnı buǵan deıin «7-20-25»-pen baspana alǵan adam endi bul baǵdarlamaǵa qatysa almaıdy. Bul tıimdi ıpotekanyń shynymen muqtaj azamattarǵa berilýi úshin kerek.
Sarapshy Aıbar Oljaevtyń pikirine qaraǵanda, baǵdarlamanyń jyldyq lımıti kommersııalyq naryqty buzbaıdy. «Buǵan deıin sarapshylardyń kóbi bazalyq mólsherlemeniń joǵarylyǵy jaǵdaıynda «7-20-25» sekildi tómen mólsherlemeli (memleket arqyly sýbsıdııalanatyn) memlekettik baǵdarlamalardyń naryqtyq qarym-qatynastardy buzyp, bankterdiń kommersııalyq ıpotekany damytýyna kedergi keltiretinin alǵa tartyp kelgen edi. Endi «7-20-25» arqyly bir jylǵa beriletin 100 mlrd teńge naryqqa anaý aıtqandaı áser ete almaıdy. О́ıtkeni bul soma teńizge tamǵan tamshydaı ǵana», dedi ol.
2022 jylǵy 22 jeltoqsandaǵy jaǵdaı boıynsha «7-20-25» baǵdarlamasy aıasynda 852,2 mlrd teńgege 64 146 jeńildetilgen qaryz berildi. Baǵdarlama 2018 jyly iske qosylǵan bolatyn.
