«UMAI» ulttyq syılyǵynyń jeńimpazdary

Bes aıǵa sozylǵan dodaǵa res­pýblıkanyń túkpir-túkpirinen 400-den astam ótinim kelip túsken. Aýqymdy syılyqtyń ıegerlerin marapattaý rásimi «Astana Opera» teatrynyń Úlken sahnasynda «Oskar» formatynda ótti.

Saltanatty jıynǵa qatysqan Mádenıet jáne sport mınıstri Dáýren Abaev ulttyq baıqaýdyń barlyq qatysýshysyn quttyqtap, óner salasynyń ókilderine úlken shyǵarmashylyq jolda jańa jetistikter tiledi. Kóptiń arasynan úzdik shyqqan on toǵyz laýreat «UMAI» músinshesi men qarjylaı syılyqqa ıe boldy.

 «Elimizde tuńǵysh taǵaıyndalyp otyrǵan UMAI ulttyq syılyǵynyń jeńimpazdaryn, óner salasyndaǵy jyl úzdikterin anyqtaýǵa arnaıy jınalyp otyrmyz. UMAI ulttyq syılyǵy – sahna arqyly sanaǵa tóńke­ris jasaıtyn, júrekterden izgilik izdeıtin naǵyz óner maıtalmandaryna arnalǵan. О́zderińiz bilesizder, kez kelgen adam kúndelikti kúıbeńnen ózin tek teatr, bı, sýret, mýzyka, ádebıet arqyly ǵana qut­qa­ra­dy. Sondyqtan bul syılyqtyń mańyzy biz oılaǵan­nan áldeqaıda tereńde dep sanaımyn. Barsha jeńimpazdardy shyn júrekten quttyqtaımyn!» dedi Dáýren Abaev.

Aıta keteıik, jeńimpazdardy komıssııa músheleri anyqtady. Barynsha ádil tórelik jasaý maqsatynda qazylar alqasynyń esimderi sońǵy sátke deıin qupııa bolyp qaldy.

Sonymen atalǵan syılyqtyń «Teatr óneri» atalymy boıynsha «Opera óneri» – erler partııasynyń úzdik oryndaýshysy – «Astana Opera» teatrynyń jetekshi solısi Medet Shotabaev (Kavaradossı partııa­sy, «Toska», Dj. Pýchchını), Áıelder partııasynyń úzdik oryndaýshysy – «Astana Opera» teatrynyń jetekshi solısi Jupar Ǵabdýllına (Aıda partııasy, «Aıda», Dj. Verdı) jeńimpaz atandy. «Akterlik sheberlik» – Úzdik er adam róli úshin syılyqty Ǵalymbek Ospanov aldy (Genrı Hıggınstiń róli, B.Shoýdyń «Meniń súıikti perishtem» pesasy boıyn­sha, rejısseri – A.Orazbekov, Muhtar Áýezov atyndaǵy Qazaq ulttyq akademııalyq drama teatry). Al Úzdik áıel róli úshin syılyq Olga Korjevaǵa buıyrdy (Marına Svetaevanyń róli, «ARS Amandi. Mahabbat óneri». Rejısseri – G.Efımova, N.Sas atyndaǵy balalar men jasóspirimderge arnalǵan memlekettik akademııalyq orys teatry).

«Úzdik rejıssýra» – Ý.Shekspırdiń «Korol Lır» qoıylymy úshin Farhat Moldaǵalı (Ǵ. Músirepov atyndaǵy balalar men jasóspirimderge arnalǵan Qazaq memlekettik akademııalyq teatry) marapattaldy. Sondaı-aq «Spektakldiń úzdik kórkemdik bezendirilýi» – Sofıa Tasmaǵambetova (Pavel Dragýnov. E. Rahmadıevtiń «Alpamys» operasy, «Astana Opera»memlekettik opera jáne balet teatry), «Úzdik mýzykalyq-dramalyq spektakl» – «Bórte» (D.Isabekov. Túrkistan mýzykalyq-drama teatry) úzdik dep tanyldy.

Odan bólek bes syılyq «Horeografııa óneri» atalymy boıynsha tabystaldy. «Úzdik bı ujymy» – «Aqqý» bı ansambli (jetekshisi – Gúlnara Mámbetova, «Ene tárbıesi» bıimen. Ǵazıza Jubanova atyndaǵy Aqtóbe oblystyq fılarmonııasy), «Balettegi úzdik oryndaýshy» – Úzdik solıst – Aınur Ábilǵazına (Astana Balet» teatry), Úzdik solıst – Azamat Asqarov (Abaı atyndaǵy Qazaq ulttyq akademııalyq opera jáne balet teatry) atandy. «Úzdik horeograf» – Muqaram Ábýbahrıeva («Sultan Beıbarys» baleti, «Astana Balet» teatry), «Úzdik balet qoıylymy» – «Dala qońyraýy» (2 bólimnen turatyn balet, kompozıtorlar – Q.Shildebaev, R.Gaısın, T.Mombekov, K.Pıno-Kıntana, kórkemdik jetekshisi – Altynaı Asylmuratova, «Astana Opera» memlekettik opera jáne balet teatry) úzdik shyqty.

Sonymen qatar «Mýzykaly-oryndaýshylyq óner» atalymynyń jeńimpazdary úsh marapatqa ıe boldy. Atap aıtsaq, «Úzdik dástúrli oryndaýshy» (án aıtý) – Dıas Murathan («Alataý» dástúrli óner teatry, Almaty), «Úzdik dástúrli oryndaýshy» (aspapshy) – Janǵalı Júzbaı (Qazaq ulttyq óner ýnıversıteti, Astana), «Úzdik mýzykalyq ansambl» – DUET CLASSIC Ermek Qurmanaev /
Anara Kamelınova (Jambyl atyndaǵy Qazaq memlekettik fılarmonııasy, Almaty, Qazaq ulttyq óner ýnıversıteti, Astana) oza shapty.

Al «Beıneleý jáne sándik-qoldanbaly óner» atalymynda úsh syılyq tabystaldy. «Úzdik sándik-qoldanbaly óner týyndysy» úshin – Sáýle Bapanova (kıizden jasalǵan kolleksııa. Temirbek Júrgenov atyndaǵy Qazaq ulttyq óner akademııa­sy), «Sýretshiniń / grafıktiń úzdik jumysy» – sýretshi Vıacheslav Lıý-Ko «Umaıdyń oralýy» (grafıka), «Zamanaýı ónerdegi úzdik joba» úshin – Sáken Narynov («Altyn júrek» jobasy, Sáýletshiler odaǵy) jeńimpaz atandy.

«Úzdik balalar spektakli úshin» arnaıy júldesin jarııalaý úshin jeńimpazdardyń esimi jazylǵan konvertti sımvoldyq túrde Balalar jylynda balalar sahnaǵa alyp shyǵyp, ashty. Bul marapatqa Qazaq ulttyq horeografııa akademııasy Rıkardo Drıgonyń «Raýshan búrshigi men kóbelektiń romany» baleti úshin jáne Mańǵystaý oblystyq qýyrshaq teatry «Aıjan ájesiniń ertegisi» (Aıjan ájesiniń ertegileri), «Qaıta jańǵyrǵan órnek» (oıý-órnekti jandandyrǵan), «Dastarqan» trılogııasy úshin ıe boldy.

«Bıyl biz mádenıet jáne óner salasyndaǵy kóptegen jobany iske asyrdyq. Umai-dan basqa, Dala Dauysy shyǵarmashylyq baıqaýy, «Shertpe kúı» dástúrli mýzyka festıvali, Roza Baǵlanova atyndaǵy vokalıster baıqaýy, Astana Piano Passion jas pıanıster baıqaýy, «Altyn dombyra» respýblıkalyq aıtysy, «Eýrazııa» kınofestıvali, «Aıboz» ádebı syılyǵy jáne basqa da jobalar. Biz sózben aıtqanda, ultymyzdyń at ústindegi aıbyndy rýhyn kótergen, qalamgerlerimizdiń, óner ókilderiniń shabyttaryna shamshyraq bolǵan júıeli jumystar bir jyl ishinde ǵana atqaryldy.

Mınıstrliktiń basqa da salalaryna, ıaǵnı sport pen týrızmge qatysty qolǵa alynǵan is-sharalary da jeterlik. О́z kezeginde, osy irgeli isterdi birlesip atqarǵan barlyq áripteske aıryqsha alǵys bildirgim keledi. Kelesi jyly mundaı jobalar odan da kóp bolady», dep túıindedi Dáýren Abaev.

Aıta keteıik, úlken shoý-baǵdarlamaǵa deıin teatr foıesine sýret jáne eskızder kórmesi qoıyldy, al óner maıtalmandary qyzyl kilem ústinen júrip ótti.