Gazet, ınternet saıttary – qoǵam aınasy, sondyqtan ǵalym sózin sol kúıinde usynyp otyr dep sanaımyz. Sonymen birge tarıhshy H.Ábjanovtyń tarıh taqyrybynda jıi jazatyn bilikti zertteýshi, qoǵam qaıratkeri ekenin de jaqsy bilemiz. Biraq biz úshin mańyzdysy – aqparattyń oqyrmanǵa dál jetýi, sondaı-aq ǵalymdarymyzdyń fakt negizinde emosııasyz málimet berýi.
Osy rette aıtarymyz: atalǵan málimet shyndyqqa sáıkes kelmeıdi. О́ıtkeni Saıası qýǵyn-súrgin qurbandaryn tolyq aqtaý jónindegi memlekettik komıssııa (budan ári –Memlekettik komıssııa) Prezıdent Jarlyǵyn júzege asyrý barysynda jáne qoldanystaǵy zań aıasynda 311 myń 349 saıası qýǵyn-súrgin qurbanyn aqtady.
Memlekettik komıssııa jumysynda anyqtalǵan qurbandar men zardap shekkenderdi (jalpy sany 3 mıllıonnan astam) aqtaý úshin zańdyq baǵyttaǵy jumys tobyn elimizge belgili zańger-ǵalym, qoǵam qaıratkeri I.Sh. Borchashvılı basqarady. Osy top «Saıası qýǵyn-súrgin qurbandaryn jáne zardap shekkenderdi aqtaý týraly» jáne «Qazaqstannyń táýelsizdigi úshin kúreskender mártebesi jáne saıası aqtaý týraly» eki zań jobasyn ázirledi.
Atalǵan zańdardy Parlament qabyldaǵannan keıin keńestik kezeńdegi qýǵyn-súrgin qurbandary men zardap shekkender tolyq aqtalady. О́ıtkeni saıası qýǵyn-súrgin qurbandaryn aqtaý tıisti zańdar qabyldaǵan soń ǵana júzege asady. Atalǵan máseleniń sheshimi endigi jerde Parlament depýtattarynyń ókilettigi men jaýapkershiliginde ekenin atap ótkim keledi.
Aıbar Ilııas,
Saıası qýǵyn-súrgin qurbandaryn tolyq aqtaý jónindegi memlekettik komıssııa qyzmetin súıemeldeý boıynsha jobalyq keńse basshysynyń orynbasary
