Qujatta boryshkerdiń sottan tys bankrottyq rásimderi arqyly tólem qabilettiligin qalpyna keltirý múmkindigi kórsetilgen. Bul úshin sottan tys bankrottyq rásiminen ótýdiń kiris ólshemderin, rásimder qoldanylǵannan keıin boryshker men nesıe berýshi tap bolatyn jaǵdaılardy, boryshkerdiń múlkin qalyptastyrý jáne ony bólý tártipterin belgileý usynylady.
Otyrys barysynda zań jobasyndaǵy boryshkerdiń sottan tys bankrottyq rásimnen ótý kezinde shetelge shyǵýyna shekteýge qoıýǵa, qajet bolǵan jaǵdaıda emdelýine, jaqyn týysyn emdelýge alyp júrýine, jaqyn týysyn jerleýge tyıym salýǵa qatysty sharalardy alyp tastaý usynyldy.
Komıtet depýtattary «Qazaqstan Respýblıkasynyń Ákimshilik quqyq buzýshylyq týraly kodeksine Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy máseleleri boıynsha ózgerister men tolyqtyrýlar engizý týraly» ilespeli zań jobalaryn da qarady.
