«Jastar» teatrynda 29 jeltoqsan kúni tústen keıin «Zolýshka» ertegisin kórsetetin jańajyldyq erteńgilikter uıymdastyrylady.
Qýyrshaqtar teatry 28-30 jeltoqsan kúnderi kórermenderge arnap «Jańa jyl» qýyrshaq shoýyn ótkizedi.
29 jeltoqsanda saǵat 11:00 jáne 15:00-de memlekettik akademııalyq fılarmonııada «Qoıandar» atty jańajyldyq shoý-spektakl ótedi.
Sol kúni saǵat 10:00, 12:30 jáne 15:00-de, sondaı-aq 30 jeltoqsanda saǵat 12:30-da «Jastar» saraıy jańajyldyq «Qoıandy kim urlap ketti?» atty erteńgilikterin, sol sııaqty oqýshylarǵa arnalǵan dıskoteka ótkizedi.
Saǵat 11:00-de Sáken Seıfýllın murajaıy №80 mektep oqýshylarymen kezdesý ótkizedi.
QAZAQSTAN OKZ sahnasynda saǵat 19:00-de Neprosto orchestra konserti ótedi. Osy ýaqytta «Astana Opera» memlekettik opera jáne balet teatry Balnur Qydyrbektiń «Qalqaman-Mamyr» opera-balet premerasyn usynady.
29, 30 jáne 31 jeltoqsan kúnderi saǵat 19:00-de «Astana Balet» teatrynda Petr Chaıkovskııdiń «Shelkýnchık» qoıylymy kórsetiledi.
31 jeltoqsanda saǵat 11:00 jáne 13:00-de Mýzykalyq jas kórermen teatrynyń sahnasynda Ýfımsevtiń «Shelkýnchık» ertegisiniń premerasy ótedi.
Sol kúni saǵat 12:00-den 16:00-ge deıin «Jańa jyl – jańa jol» konserti elordanyń barlyq aýdanynyń eldi mekenderinde, naqtyraq aıtqanda Kırpıchnyı, О́ndiris, Kóktal, Úrker, Internasıonalnyı eldi mekenderinde uıymdastyrylady.
Qalalyq alańda, «EKSPO» kórme ortalyǵynyń janyndaǵy alańda, «Qazaq eli» monýmentiniń janynda saǵat 22:00-den 3:00-ge deıin keshki merekelik konsert ótedi.
Jańa jyl qarsańynda saǵat 00:00-de Astanada demeýshilik qarajat esebinen salıýt uıymdastyrylady.
Salıýt eki orynda ótedi. Ony Esil ózeniniń jaǵasyndaǵy Kenesary han eskertkishi mańynan, Botanıkalyq baqtan, Qabanbaı batyr men Buqar Jyraý dańǵyldarynyń qıylysy aýmaǵynan kórýge bolady.
Salıýt bıiktigi: tómengi 70 metr, ortasha 120 metr, joǵarǵysy 180-210 metr. Barlyǵy 3,5 myń oq atylady.
