Mınıstrdiń orynbasary atap ótkendeı, azamattardyń tólem qabilettiligin qalpyna keltirý jáne bankrottyq týraly túzetýler bankrottyq rásimderin buzǵany úshin ákimshilik jaýapkershilikti belgileý qajettiligin kózdeıdi.
«Máselen, azamattyń kredıtorlar aldyndaǵy mindettemelerin oryndaýdan jaltarý maqsatynda qasaqana bankrottyq týraly ótinishi úshin 200 AEK. Jalǵan aqparat bergeni nemese sottan tys tártipte bankrottyqtyń sheginde múlikti (ol týraly aqparatty) jasyrǵany úshin 100 AEK kóleminde aıyppul salynady.
Sonymen qatar spıker tolyqtyrǵandaı, sot bankrottyq jáne tólem qabilettiligin qalpyna keltirý rásimderin buzǵany úshin qarjy menedjerlerine 15-ten 100 AEK-ke deıin jaýapkershilik engiziledi.
Jalpy usynylyp otyrǵan normalar osy saladaǵy zańdy buzǵany úshin jazanyń bultartpastyǵy qaǵıdasyn júzege asyrýǵa baǵyttalǵanyn atap ótti.
Aıyppuldardy qoldaný, salyqtar men basqa da tólemderdi esepteý úshin 2022 jyly AEK mólsheri 3 063 teńgeni quraıdy.
