Foto: polisia.kz
Jeltoqsannyń 25-inen bastap polıseıler TJD azamattyq qorǵaý organdarynyń qyzmetkerlerimen birlese otyryp, zańsyz pırotehnıkalyq zattardy satý oryndaryna reıd júrgizip jatyr. Shara bastalǵaly sáıkestik sertıfıkaty joq 1494 pırotehnıkalyq zat tárkilendi. Pırotehnıkalyq buıymdardy zańsyz satqany úshin 20-dan astam tulǵa ákimshilik jaýapkershilikke tartyldy.
Máselen, polısııa qyzmetkerleri bir kúndik reıd barysynda zańsyz satýdyń 10 faktisin anyqtady.
Túrkistan kóshesindegi úıdiń aýlasynan júrgizýshisi pırotehnıkalyq zattardy zańsyz satqan kólik tabyldy. 28 jastaǵy astanalyq turǵynnan 417 dana pırotehnıkalyq buıym tárkilendi. Zańsyz saýda jasaǵany úshin barlyq satýshylarǵa QR ÁQBtK-niń 196 baby boıynsha ákimshilik hattamalar toltyryldy.
