Baıqaýǵa barlyǵy 345 ótinim tústi. 55 jeńimpazdy arnaıy komıssııa anyqtady, onyń quramyna óńirdiń bıznes-qoǵamdastyǵynyń ókilderi men qoǵam qaıratkerleri kirdi.
Komıssııa músheleri jas kásipkerlerge aqshalaı sertıfıkattardy tapsyra otyryp, memlekettik qoldaýdyń mundaı sharalary keleshegi bar jobalardy qarjylandyrýǵa ǵana emes, qoǵamǵa eleýli paıda ákelýge de tamasha múmkindik beretinin atap ótti.
Máselen, 7 mln teńgege grant Madııar Ábdiqojaǵa berildi. Jas jigit óńirde boıaýlar, laktar men emaldar óndirisin iske qosýdy josparlap otyr.
Taǵy ekeýine – Aıdyn Toqtarov pen Vıacheslav Belıakınge – 3,5 mln teńgeniń sertıfıkattary tabystaldy. Aıdyn qurama jem shyǵaratyn shaǵyn zaýytyn, al Vıacheslav - massaj ortalyǵyn ashqysy keledi. Granttyq qarajatty jas kásipkerler bordıýr, porebrık jáne kirpish óndirisin keńeıtýge, etnoaýyl uıymdastyrýǵa, shlakobloktar men nan-toqash ónimderin óndirýge, jeke emhana men ońaltý ortalyǵyn ashýǵa, qustardy ósirýge jáne t.b. salýǵa nıetti.
Osy bıznes ıdeıalardy iske asyrýǵa olarǵa bir mıllıonnan bastap úsh mıllıon teńgege deıin bólindi.
