Respýblıkanyń soltústik jartysynda qarqyndy qar jaýyp, burqasyn boljanady, ońtústik jartysynda - jaýyn-shashyn (jańbyr, jylbysqy qar), ońtústik jáne shyǵys aýdandarynda qatty jaýyn-shashyn jaýy múmkin. Respýblıkanyń ońtústik-batys jartysynda tuman jáne kóktaıǵaq bolýy yqtımal. Belsendi sıklondarmen Qazaqstannyń basym bóliginde jeldiń kúshi 15-20 m/s, ekpini 23-28 m/s-deıin kútiledi.
Respýblıkanyń basym bóliginde aýa temperatýrasy túnde -15-25°S-tan -3-12°S-qa deıin, kúndiz -7-15°S-tan 0,-8°S-qa deıin; elimizdiń ońtústiginde jáne ońtústik-shyǵysynda túnde -5-15°S-tan -5+2°S-qa deıin, kúndiz 0,-8°S-tan +1+8°S-qa deıin aýytqıdy dep boljanýda.
Elimizdiń batys aýdandarynda aýa temperatýrasy túnde -5+5°S-tan -15-25°S-qa deıin, kúndiz -3+8°S-tan -10-20°S-qa deıin birtindep tómendeýi kútiledi. Birinshi onkúndiktiń sońynda Qazaqstannyń basym bóliginde soltústik-batys antısıklonnyń áserinen aýa temperatýrasy túnde -20-30°S-qa, kúndiz -10-18°S-qa deıin, respýblıkamyzdyń ońtústik-batys, ońtústik jáne ońtústik-shyǵysynda túnde -10-20°S-qa, kúndiz -5-15°S-qa deıin tómendeýi boljanady.
Konsýltatıvti boljamǵa sáıkes 2023 jyldyń qańtar aıynyń ekinshi jáne úshinshi onkúndiginde Qazaqstannyń basym aýmaqtarynda aýa raıy jıi ózgerýi, aıazdy kúnder jyly kúndermen aýysyp, qarly boranmen, burqasynmen jáne ekpindi jelmen kútilýde.
Ońtústik sıklondardyń áserinen qarqyndy jylý tolqyndary baıqalady, bul kezde aýa temperatýrasy elimizdiń soltústik jartysynda kúndiz -5+2°S-qa, ońtústik jartysynda jáne ońtústik-batysynda kúndiz +2+12°S-qa deıin joǵarylaıdy.
Al soltústik-batys antısıklonnyń enýine baılanysty karqyndy sýyq tolqyndar boljanady, bul kezde aýa temperatýrasy respýblıkamyzdyń soltústik jartysynda jáne ortalyǵynda túnde -25-35°S-qa, kúndiz -15-25°S-qa deıin, ońtústik jartysynda jáne ońtústik-batysynda túnde -12-22°S-qa, kúndiz -3-15°S-qa deıin tómendeıdi.
