«Qurmetti qazaqstandyqtar! О́tken 2022 jyl bizdiń elimiz úshin ońaı bolǵan joq, biraq soǵan qaramastan memlekettiń barlyq áleýmettik mindettemeleri oryndaldy. 4,4 trln teńgeden astam somaǵa 4,3 mln-nan astam qazaqstandyqqa zeınetaqy, járdemaqylar jáne basqa da áleýmettik tólemder ýaqytyly tólendi.
О́tken jyly 1,3 mıllıonnan astam otbasy memleket kepildik bergen tólemder túrinde qoldaý aldy. Erekshe qajettilikteri bar balalardy tárbıelep otyrǵan otbasylarǵa jáne kópbalaly otbasylarǵa da erekshe kóńil bólindi», dedi mınıstr.
Onyń aıtýynsha, osy jyly balalary bar otbasylardy qoldaýǵa respýblıkalyq bıýdjetten jáne Memlekettik áleýmettik saqtandyrý qorynan 926,6 mlrd teńgeden astam qarajat bólindi. Bólingen qarajat bala týý jáne bala kútimi boıynsha tólemder, kópbalaly analarǵa, kópbalaly otbasylarǵa jáne múgedektigi bar balalardy tárbıelep otyrǵan otbasylarǵa járdemaqy retinde berildi. Bir otbasyǵa tólenetin tólem 20 myńnan 805 myń teńgege deıingi somany qurady.
О́mirlik qıyn jaǵdaıǵa tap bolǵan 700 myńnan astam qazaqstandyq otbasy memleketten 70 mlrd teńgeden astam somaǵa ataýly áleýmettik kómek túrinde qoldaý aldy.
«Múmkindigi shekteýli jandar da árkez memlekettiń erekshe nazarynda. Olardyń quqyqtary men zańdy múddelerin qamtamasyz etý úshin elde kóp deńgeıli áleýmettik qorǵaý júıesi jumys isteıdi. Búginde olar birneshe kózderden tólemder alady: bul múgedektik boıynsha járdemaqy jáne jumys isteıtin azamattarǵa eńbekke qabilettiliginen aıyrylǵan kezde beriletin tólemder, sondaı-aq saqtandyrý tólemderi. 530 myń otandasymyzǵa múgedektik boıynsha járdemaqy jáne áleýmettik tólemder túrinde 371,4 mlrd teńge tólendi», dedi ol.
Sondaı-aq ol bıyl 66 mlrd teńge múgedektigi bar azammattyń ómir súrý sapasyn jaqsartýǵa baǵyttalǵanyn aıtty. 225 myń adam protezdik-ortopedııalyq jáne ózge de kómekpen qamtamasyz etilgen.
«Búgingi tańda múgedektigi bar adamdar tek ónim berýshini ǵana emes, sonymen qatar ózderiniń jeke qajettilikterin eskere otyryp, tehnıkalyq quraldar men ońaltý qyzmetterin de óz betinshe tańdaı alady. Osy jyldan bastap medısınalyq-áleýmettik saraptama júrgizýdiń syrttaı formaty iske qosyldy, ol kýálandyrý rásimin áldeqaıda ońtaılandyrdy jáne jeńildetti.
Kelesi jyly biz arnaýly áleýmettik qyzmetter salasyn jańǵyrtýdy jalǵastyrýdy josparlap otyrmyz, ol eń aldymen oǵan muqtaj árbir qazaqstandyq úshin qoljetimdilikti qamtamasyz etýge baǵyttalady.
Memlekettik qoldaý sharalarynyń qoljetimdiligi, azamattardyń olardy alý quqyǵyn ýaqytyly iske asyrý mınıstrliktiń negizgi mindetteriniń biri. О́tken jyldyń mańyzdy novellalarynyń biri Prezıdenttiń tapsyrmasy boıynsha daıyndalǵan «Otbasynyń sıfrlyq kartasy» jobasy boldy. Bul otbasy men belgili bir azamat úshin qıyn ómirlik jaǵdaıdyń týyndaý qaýpin ýaqytyly anyqtaýǵa jáne oǵan osy jaǵdaıda memleket kepildik bergen qoldaý sharalaryn usyný ǵana emes, sonymen birge kórsetilgen sharalardyń tıimdiligin baǵalaýǵa múmkindik beredi.
Osy jyly áleýmettik-eńbek salasynyń 1 mln-nan astam qyzmeti proaktıvti formatta kórsetildi, onyń ishinde pılottyq iske asyrýdyń 4 aıdan az ýaqytynda Sıfrlyq karta arqyly 9 qyzmet boıynsha 50 myńnan astam qyzmet kórsetilgenin atap ótkim keledi. Azamattardyń ál-aýqatyn arttyrý faktorlarynyń biri olardyń tabysynyń ósýi ekeni sózsiz», dedi T.Dúısenova.
Bıyl yntymaqty zeınetaqy mólsheri eki ret ındeksteldi. Búgingi kúni zeınetaqynyń ortasha mólsheri shamamen 109 myń teńgeni quraıdy. Jalpy memlekettik bıýdjetten 2,2 mln zeınetkerge zeınetaqy tóleýge 2,9 trln teńge bólindi.
Kelesi jyldan bastap Memleket basshysynyń tapsyrmasy boıynsha zeınetaqy tólemderin jáne azamattardyń zeınetaqy jınaqtarynyń kiristiligin arttyrýǵa baǵyttalǵan zeınetaqy júıesiniń tıimdiligin arttyrý jónindegi jańa sharalar paketin iske asyrýǵa kirisemiz.
«О́tip bara jatqan jyly bilim berý, densaýlyq saqtaý, áleýmettik qorǵaý salasynyń jáne basqa da jekelegen sanattardyń qyzmetkerleriniń jalaqysyn kezeń-kezeńimen arttyrý jalǵasty. 1,2 mln-ǵa jýyq azamattyq qyzmetshilerdiń jalaqysy orta eseppen 20%-dan 30%-ǵa ósti jáne kelesi 4 jyl ishinde 2 esege ulǵaıady.
Memleket basshysynyń tapsyrmalaryn iske asyrý úshin jastardy jumyspen qamtý sharalary kúsheıtildi. Olardyń «Jastar praktıkasy» jáne «Alǵashqy jumys orny» jobalaryna qatysý merzimi uzardy. Halyqtyń áleýmettik osal sanattaryndaǵy jastar men azamattardyń iskerlik bastamalaryn damytý úshin granttardyń mólsheri eki ese ulǵaıdy.
Jalpy 2022 jyly 921 myńnan astam adam jumyspen qamtyldy, olardyń 77% - dan astamy turaqty jumys oryndarynda istep jatyr, ıaǵnı olar jáne olardyń otbasylary turaqty tabyspen qamtamasyz etildi.
Jumysqa ornalasýǵa járdemdesýdiń mańyzdy quraly – Elektrondyq eńbek bırjasy. Búginde Elektrondyq eńbek bırjasy jumys izdeýdiń eń iri bazasyna ǵana emes, sonymen qatar jumyspen qamtý qyzmetteriniń «onlaın-vıtrınasyna» aınaldy dep senimmen aıtamyn, ol bos jumys oryndary týraly aqparattyń qoljetimdiligin ǵana emes, sonymen qatar jumysqa ornalasý prosesiniń ashyqtyǵyn da qamtamasyz etedi.
Árıne, bul isti jumys berýshilerdiń qatysýynsyz jáne qoldaýynsyz tolyq qamtamasyz ete almas edik. Prezıdenttiń tapsyrmasy boıynsha biz daıyndaǵan Kásibı biliktilik týraly zań, Kóshi-qon saıasatynyń jańa tujyrymdamasy men Áleýmettik kodeks sııaqty baǵdarlamalyq qujattardyń negizgi erejeleri jańa áleýmettik kelisimshartqa negizdeledi, memleket pen azamattardan basqa, qoǵamdyq birlestikter men bıznes onyń negizgi taraptary bolýǵa tıis.
Osyǵan baılanysty, otandyq jumys berýshilerge, úkimettik emes uıymdarǵa, qoǵamdyq birlestikter men kásipodaq ókilderine alǵys bildirip, odan ári ózara jemisti yntymaqtastyqqa úmit bildirgim keledi.
Zamanaýı jańa syn-qaterler bizdiń aldymyzǵa jańa mindetter qoıyp otyr, aldaǵy jyly azamattarymyzdyń ál-aýqatyn arttyrýdy qamtamasyz etý úshin biraz jumystar atqarýymyz kerek, oǵan tek birlesip qana qol jetkize alamyz.
Qurmetti qazaqstandyqtar! Sizderdi kele jatqan 2023 jylmen shyn júrekten quttyqtaımyn!
Jańa jyl – árqaısymyz úshin erekshe mereke. Biz jańa jyldan ómirimizdegi jaqsy ózgeristerge, elimizdiń senimdi damýyna úmit artamyz.
Osy jyly Otanymyzdyń ıgiligi úshin jaýapkershilikpen eńbek etken azamattarǵa zor alǵys aıtqym keledi. Jańa 2023 jyly halyqtyń ómir súrý sapasynyń artýyn, otbasy men rýhanı qundylyqtardyń nyǵaıýyn shyn júrekten tileımin! Keler jyly bizdiń elimiz úshin jaqsylyq pen jasampazdyqqa toly jyl bolsyn.
Barlyq qazaqstandyqtarǵa zor densaýlyq, ár otbasyǵa qut-bereke, baqyt pen shattyq, qýanysh pen ózara túsinistik tileımin!», delingen Tamara Dúısenovanyń quttyqtaýynda.
