«2023 jyldyń 3 qańtarynda saǵat 6-da Ekibastuz qutqarýshylar garnızonynyń kúshimen zaqymdalǵan ýchaskeden sý aıdaý jumystary júrgizilýde. Saǵat 11-de «Gorvodakanal» MKK jáne «Injenerlik jeliler» JShS qyzmetkerleri zaqymdalǵan ýchaskeni aýystyrý jáne dıametri 500 mm tehnıkalyq sý qubyryn ajyratý boıynsha jóndeý jumystaryn bastady. Syrtqy aýanyń temperatýrasy - 2 S. apat bolǵan jerde TJD, «Gorvodakanal» MKK 58 adamy jáne 16 birlik tehnıka kúshteri men quraldary jumyldyrylǵan», dep habarlady TJD.
Vedomstvonyń málimetinshe, saǵat 16:00-de jylý jelisin qorektendirý rezervýarlaryndaǵy sý deńgeıi 7,5 metrdi qurady.
«JEO rezervýarlaryn qýattandyrý saǵatyna 900 tonnany quraıdy (jylý jelilerin qýattandyrý saǵatyna 600 tonna). Qazirgi ýaqytta qorektendirý dıametri 150 mm (saǵatyna 150 tonna) aýyz sý qubyrynan júrgiziledi. Vahtalyq jáne komandalyq-shtabtyq mashına bazasynda jylytý pýnkti ashyldy, «Vita» eriktileri ystyq tamaq uıymdastyrdy. Tirshilikti qamtamasyz etý obektileri shtattyq rejımde jumys isteıdi. Apat ornyna oblys, Tótenshe jaǵdaılar departamentiniń basshylyǵy da jetti», dep habarlady TJD.
