Reıs oryndalmaǵan nemese keshikken jaǵdaıda áýekompanııa ár 2 saǵat saıyn sýsyndar, 4 saǵattan keıin ystyq tamaq beretinin atap ótti. Eger reıstiń keshigýi kúndiz segiz saǵattan, túnde alty saǵattan artyq bolsa, tasymaldaýshy jolaýshylardy qonaqúıge ornalastyrady jáne áýejaıdan qonaqúıge jáne keri kólikpen qamtamasyz etedi.
Tasymaldaýshynyń kesirinen reıs on saǵattan astam ýaqytqa toqtatylǵan nemese keshiktirilgen jaǵdaıda, jolaýshynyń tańdaýy boıynsha tasymaldaýshy jolaýshyny kelesi reıspen dittegen jerge deıin jetkizýdi qamtamasyz etedi nemese bılettiń tolyq qunyn qaıtarady.
«Reıs mártebesin https://airastana.com/kaz/kk-kz/Aqparat/Áýejaıda/Reıs-statýsy saıtynan kóre alasyz. Reıs oryndalmaǵan nemese keshiktirilgen jaǵdaıda, tómengi oń jaq buryshtaǵy airastana.com veb-saıtyndaǵy onlaın-keńesshilerge nemese +7 702 702 01 48 WhatsApp nómirine, sondaı-aq, reıstiń toqtatylýy men keshigýine baılanysty aqshany qaıtarý úshin help.airastana.com saıtyndaǵy Kómek ortalyǵyna habarlasyńyz. Reıs keshiktirilgen jaǵdaıda jedel jeli: +7 7272 44 44 78», dep jazylǵan habarlamada.
