3-inen 4 qańtarǵa qaraǵan túni qaladan polıgondarǵa 36 myń tekshe metrden astam qar nemese 2 700 júk kóligine teń qar shyǵaryldy.
Búgingi tańda elorda boıynsha qar tazalaý jumystaryna 2,3 myńnan astam jol jumysshysy men myńnan astam arnaıy tehnıka jumyldyryldy.
Eń aldymen, erejelerge sáıkes, joldarda keptelis bolmas úshin óte qarqyndy qozǵalys aımaqtary tazartylady. Sondaı-aq ortasha qarqyndylyǵy bar ýchaske-alańdar, vokzal mańy aýmaqtary, trotýarlar, áleýmettik nysandarǵa kirme joldar jáne t. b. qardan tazartylady.
Aıta ketý kerek, 3 qańtarda túngi ýaqytta qar polıgondaryna 36 myń tekshe metrden astam qar shyǵaryldy.
Qys mezgiliniń basynan bastap kommýnaldyq qyzmetter qaladan 100 myńnan astam júk kóligine teń, al bul mıllıon tekshe metrden astam qardy alyp shyqty. Qalanyń kommýnaldyq qyzmetteri keshki jáne túngi ýaqyttarda kúsheıtilgen rejımde, sondaı-aq qar tazalaý marshrýttaryn túzetip jumys istep jatyr.
