Onyń málimetinshe, qazirgi ýaqytta 4 myńnan astam urlanǵan qarý tabyldy.
«Olardyń basym bóligi jedel-profılaktıkalyq is-sharalar barysynda tabylǵan. 500-den astam shron tabyldy. Urlanǵan qarýdyń basym bóligi Taraz jáne Taldyqorǵan qalalarynda bolǵan. Búgingi tańda 1900-den astam qyzmettik jáne azamattyq qarý áli de tabylǵan joq. Polısııa qyzmetkerleri qarýdy tabý jáne tárkileý boıynsha belsendi sharalar qabyldap jatyr», dep naqtylady Sanjar Ádilov.
Onyń aıtýynsha, búgin depýtattar men jýrnalısterdiń nazaryna zattaı dáleldemeler men oq-dárilerdiń úlgileri usynyldy.
«Barlyq danalar shynaıy, býtaforııa joq. Bul jerden avtomattardy, tapanshalardy jáne tipti granata atqyshtardy da kórýge bolady. Aıta ketsek, kórmede qarýdyń az ǵana bóligi usynylǵan», dep qosty S. Ádilov.
