Resmı málimet boıynsha, eldiń segiz oblysynda 42 qoǵamdyq ǵımarat zaqymdanǵan.
«Sonyń biri Almaty qalasy Prezıdentiniń rezıdensııasy. О́zderińiz bilesizder, bul nysandy qalpyna keltirý emes, ony buzý týraly sheshim qabyldandy. Búgingi kúni bul 41 nysanǵa 31 mıllıard 100 mıllıon teńge bólingen. 37 obekt qalpyna keltirildi. Osy aıda Jetisý oblysy ákimdiginiń ǵımaratyn, naýryz aıynda Almaty qalasy boıynsha Bas prokýratýranyń Quqyqtyq aqparat statıstıkasy ortalyǵynyń ǵımaratyn jáne Almaty qalasy ákimdiginiń ǵımaratyn qalpyna keltirý jumystary aıaqtalady. Kópshiligi naýryz aıynda qalpyna keltiriledi», dedi R. Sklıar Májilis otyrysynda.
Ol Almaty qalasyndaǵy teleradıokeshenniń ǵımaratyn qalpyna keltirý múmkin bolmaǵandyqtan buzý týraly sheshim qabyldanǵanyn aıtty.
«Qazir onyń qurylysy qarqyndy júrgizilip jatyr. Ol bıylǵy jyldyń sońyna deıin aıaqtalady. Oǵan qosymsha qarajat bólinedi, ony biz memlekettik saraptamadan ótý nátıjesi boıynsha anyqtaımyz.
Qazir memlekettik emtıhan memlekettik tapsyrý rejıminde júrgizilip jatyr. Kommersııalyq múlikke keletin bolsaq, barlyǵy 350 kommersııalyq nysan zardap shekti. Barlyǵy búgingi kúnge deıin qalpyna keltirildi. 1789 kásipkerlik sýbektisi keltirilgen zalaldy tikeleı óteýge ótinish bildirip, olarǵa barlyq shaǵyn jáne orta bıznes sýbektileri boıynsha 16 mlrd 700 mln teńge tolyq kólemde óteldi», dep túıindedi sózin Premer-mınıstrdiń orynbasary.
