Búgin Májilistegi kezekten tys tyńdaýlar barysynda quqyq qorǵaý organdarynyń ókilderi qańtar oqıǵasyna qatysty tergeýdiń qorytyndysyn jarııalady.
Parlament otyrysynda jýrnalıster Bas prokýrorǵa UQK-niń burynǵy tóraǵasy Kárim Másimov óz múddesi úshin áreket etti me, álde bireýdiń tapsyrmasyn oryndady ma degen saýal qoıdy.
«Bul ister óte qupııa túrde tergelýde. Sondyqtan men bul naqty suraqtardy osy isti tergep jatqan Ulttyq qaýipsizdik komıtetine jiberer edim. Biz tártipsizdikke qatysty 18 is qozǵadyq», dedi B.Asylov.
Májilistegi tyńdaýlar barysynda Bas prokýror qańtar oqıǵasy kezinde UQK-niń burynǵy tóraǵasy Kárim Másimov pen onyń eks-orynbasary Ánýar Sadyqulov sot ǵımaratyn bosatý týraly buıryq bergenin aıtty.
Sondaı-aq Bas prokýratýranyń resmı YouTube arnasynda 2022 jyldyń qańtar aıynda oryn alǵan tártipsizdikterge arnalǵan fılm jarııalandy.
