«Áleýmettik jelilerdegi reaksııalarǵa súıensek, sońǵy kadrlyq ózgeristerde jas kadrlardy usyný eń úlken qoǵamdyq qyzyǵýshylyqty týdyrdy. Osyǵan baılanysty jańa mınıstrler Ashat Oralov pen Zýlfııa Súleımenova prezıdenttik Jastar kadrlyq rezervinde turǵanyna nazar aýdarǵym keledi. Bul jobany Memleket basshysy Qasym-Jomart Toqaev 2019 jyly bastaǵan edi. Qazirgi ýaqytta Úkimettiń úsh múshesi - prezıdenttik Jastar kadrlyq rezerviniń ókilderi», dep jazdy Erlan Qarın.
Barlyǵy 350 rezervshiniń 258-i ártúrli jaýapty laýazymdarǵa taǵaıyndaldy, onyń ishinde 34-i - «A» korpýsynyń saıası jáne memlekettik qyzmetshileri.
«Osylaısha, jas mamandardy basshylyq laýazymdarǵa usyný boıynsha josparly jumys jalǵasyp jatyr. Prezıdenttik Jastar kadrlyq rezervi jobasyn odan ári iske asyrý Prezıdenttiń saılaýaldy baǵdarlamasynyń basymdyqtarynyń biri bolyp sanalatynyn aıta ketken jón», dep qorytyndylady Memlekettik keńesshi.
