Kezdesý barysynda konstıtýsııalyq reformaǵa sáıkes, Konstıtýsııalyq Sot pen Joǵarǵy Sotqa júginý arqyly azamattardyń quqyqtaryn qamtamasyz etýge baǵyttalǵan Adam quqyqtary jónindegi ýákildiń jańa ókilettikteri, sondaı-aq Bas prokýratýramen ózara is-áreket máselesi talqylandy.
Prezıdent qylmystyq is boıynsha sot tóreligi men jazany óteý barysynda azamattarǵa beriletin konstıtýsııalyq kepildikti kúsheıtý úshin sot júıesi men quqyq qorǵaý organdarynyń naqty sharalar qabyldaýy mańyzdy ekenine nazar aýdardy.
Kezdesý sońynda Qasym-Jomart Toqaev Ombýdsmen ınstıtýtyn odan ári damytýǵa jáne onyń áleýetin nyǵaıtýǵa baǵyttalǵan basym mindetterdi atap ótip, adam jáne azamat quqyqtarynyń buzylmaýyna beriletin konstıtýsııalyq kepildikti odan ári kúsheıtý jóninde birqatar tapsyrma júktedi.
