Kezdesý barysynda depýtattar Prezıdenttiń «Ádiletti Qazaqstan: bárimiz jáne árqaısymyz úshin. Qazir jáne árdaıym» atty saılaýaldy baǵdarlamasyn iske asyrý jónindegi is-qımyl josparyna jan-jaqty toqtaldy. Jospar sheńberinde Máslıhat tarapynan depýtattyq korpýstyń belsendi jáne ashyq jumysyn qamtamasyz etý úshin barlyq kúsh-jigerin jumsap, qala turǵyndarynyń suranystary men ýaqyt talaptaryn eskere otyryp, birqatar ınnovasııa engizedi.
Máslıhat tóraǵasy Stanıslav Kankýrov Memleket basshysynyń tapsyrmasyna sáıkes memlekettik saıasatty iske asyrý, bıýdjet qarajatyn tıimdi jumsalýyn baqylaý jáne qalalyq baǵdarlamalardy oryndaýdy qamtamasyz etý, azamattardyń usynystaryn qarastyrý jáne problemalaryn sheshý, qalanyń júıelik problemalaryn joıý jóninde usynystar ázirleý, megapolısti odan ári damytý jóninde bastamalar daıyndaý Máslıhat jumysyndaǵy basty basymdyqtar bolyp tabylatynyn atap ótti.
Sondaı-aq is-shara barysynda Almaty qalasynyń birqatar ekonomıkalyq, áleýmettik jáne ekologııalyq problemasy talqylandy. Máslıhat depýtattary Senat depýtattaryna erekshe qajettilikteri bar adamdar úshin buqaralyq sportty damytý, dárilik preparattarǵa baǵany tómendetý, aqyl-esi kem balalarǵa múgedektik taǵaıyndaý tetigin qaıta qaraý, shaǵyn jáne orta bıznesti qoldaý baǵdarlamasy týraly máselelerdi sheshýde qoldaý kórsetý týraly ótinishpen júgindi.
Esterińizge sala keteıik, 2022 jylǵy 22 jeltoqsanda Parlament Senatynyń jalpy otyrysynda depýtattar «Aglomerasııalardy damytý týraly» zańyn, sondaı-aq oǵan ilespe túzetýler paketin qabyldap, Prezıdentke qol qoıýǵa joldaǵan bolatyn. Jańa 2023 jyldyń 1 qańtarynda Memleket basshysy Qasym-Jomart Toqaev «Aglomerasııalardy damytý týraly» zańǵa qol qoıdy. Osyǵan baılanysty depýtattar elimizdegi iri Almaty aglomerasııasyn damytý úshin Senat pen Máslıhat depýtattarynyń kúsh-jigerin biriktirýdiń mańyzdylyǵyn atap ótti.
