Jekeshelendirýge jiti nazar

Jýyrda «Samuryq-Qazyna» kompanııalar tobyn jekeshelendirý jónindegi basqarýshy komıtet quryldy. 14 adamnan turatyn komıtettiń  basshysy bolyp qordyń basqarma tóraǵasynyń orynbasary Elena Bahmýtova taǵaıyndalyp, ol baspasóz máslıhatyn ótkizdi. «Erejeni jasaý kezinde qor qyzmetkerleri men baǵdarlama operatory «Samuryq-Qazyna Kontrakt» JShS ótken jeke­shelendirýdiń tájirıbesin, Qa­zaqstan Respýblıkasynyń zańnamasy men ozyq sheteldik tájirıbeni basshylyqqa aldy. Ereje is-sharalardyń ashyqtyǵyn qamtamasyz etetin tehnologııalardy paıdalanýǵa negizdeledi. Zańdylyq pen ekonomıkalyq qajettilikke kelsek, satylymǵa shyǵarylatyn aktıvter eń aldymen táýelsiz sarapshylardyń zańdyq saraptamasynan ótkiziledi. Ekinshiden, qor aktıvterdi táýelsiz baǵa­laý­shylar belgilegen ádiletti baǵa­men ǵana satady. Aktıvterge tek satý úshin jónsiz baǵa qoıyl­maıdy. Keıbir aktıvterge su­ra­nys bolmasa, qor men onyń en­­shi­les kompanııalary atalǵan múlik­ke qatysty tıisti sheshim qa­byldaıdy», dedi E.Bahmýtova. Ereje barlyq múddeli tarap­tardyń quqy men mindetterin anyqtaý, aktıvterdi satý al­dyn­daǵy úderister men satý tásilderin naqtylaý, sonymen birge aýksıondar men tenderlerdi ótkizý sharalaryn belgileıdi. Sondaı-aq, qujatta stra­tegııalyq aktıvter men nysan­dardy satýǵa shekteý qoıylǵan. Úkimettiń ústimizdegi jylǵy 12 mamyrdaǵy qaýlysymen jekeshelendirý baǵdarlamasy aıasynda básekelestik ortaǵa satýǵa shyǵarylatyn «Samuryq-Qazyna» AQ-tyń kompanııalar tizimi bekitilgen. Úkimet sheshimi boıynsha jeke sektorǵa  «Samuryq-Qazynanyń» 106 kompanııasynyń túrli úlesi satylady. Sonyń ishinde 5 kompanııany  IRO men SPO-ǵa shyǵarý kózdelgen. Osy jyldyń maýsym-shilde aılarynda «Qazaqstan temir joly» AQ quramyndaǵy 4 kompanııa, «Qazatomónerkásip» AQ quramyndaǵy 2 jáne «Qazaqstan ınjınırıng» AQ quramyndaǵy 4 kompanııa satýǵa shyǵarylady. «Egemen-aqparat».