Qazaq tildi jýrnalıster arasynda «Altyn qalam» V shyǵarmashylyq baıqaýy bastalady

Eýrazııalyq Top ENRC-diń úzdik dástúrlerin jalǵastyryp, «Egemen Qazaqstan» respýblıkalyq gazetimen birge V shyǵarmashylyq «Altyn qalam» baıqaýynyń bastalǵandyǵy týraly habarlaıdy. Baıqaýǵa respýblıkalyq jáne óńirlik basylymdardyń, teledıdar, radıo jáne Internet basylymdarynyń jýrnalısteri qatysa alady. Baıqaýdyń maqsaty – ken baıytý jáne metallýrgııa salasyndaǵy memlekettik saıasattyń júzege asyrylýy men ÚIID baǵdarlamasynyń jobalarynyń iske qosylýy, eńbek adamdary týraly jazǵan jýrnalısterdi anyqtap, marapattaý. Baıqaý qorytyndysy men jýrnalısterdi marapattaý Qazaqstan Respýblıkasy Táýelsizdigi kúni merekesine qaraı shyǵarylady. Materıaldarǵa qoıylatyn talaptar Baıqaýǵa joldanǵan materıaldar ken baıytý jáne metallýrgııa salasyndaǵy memlekettik saıasattyń júzege asyrylýy, salalyq máseleler men salada qyzmet etetin eńbek adamdary týraly bolýy qajet. Materıaldar respýblıkalyq jáne óńirlik qazaq tildi basylymdarda, Internet basylymdarynda nemese telearnalar men radıoda 2014 jyly jaryq kórgen bolýy qajet. Joldanǵan materıaldarda basylymnyń, telearnanyń nemese radıonyń ataýy, materıaldyń merzimi men avtory kórsetilýi kerek. Keminde úsh materıaldyń (maqala, tele-, radıosıýjet) túpnusqasy jiberilgeni jón. Materıaldar 2014 jyldyń 15 qarashasyna deıin qabyldanady. Materıaldar resenzııalanbaıdy jáne keri qaıtarylmaıdy. Materıaldardy baǵalaý ólshemderi Aqparattyq qundylyǵy. Saraptamalyq tereńdigi. Taqyryp ózektiligi. Jýrnalıstik sheberligi. Baıqaý jeńimpazdaryna belgilengen syılyqtar Konkýrs qorytyndysy boıynsha mynadaı júldeli oryndar belgilengen: 1 oryn – bir atalym – 500 myń teńge. 2 oryn – eki atalym – 400 myń teńgeden. 3 oryn – úsh atalym – 300 myń teńgeden. Materıaldardy «Baıqaýǵa» belgisimen myna mekenjaıǵa jiberý kerek: Astana q., Qabanbaı batyr dańǵyly, 30 a, 401-bólme. Qosymsha aqparat alý úshin habarlasyńyz: tel: +7 (7172) 592-218, uıaly tel: 8-701-960-69-72, yerzat.tursunkulov@kz.enrc.com