Memleket basshysynyń tapsyrmasy boıynsha 2020 jyldyń qańtar aıynan bastap muǵalimderdiń jalaqysy jyl saıyn 25 paıyzǵa kóterilip keledi. Osylaısha, qazirgi tańda muǵalimderdiń jalaqysy eki esege ósti.
«Prezıdenttiń qoldaýynyń arqasynda muǵalimderdiń jalaqysy jyl saıyn ósip keledi. Muǵalimderdiń jalaqysyn kóterý óz jemisin berýde. Bul mamandyqqa ýnıversıtettiń úzdik túlekteri men «Altyn belgi» ıegerleri kele bastady. Bul bolashaqta balalardyń bilim alýyna jaqsy áser etedi», dedi Qazaqstan Respýblıkasynyń Oqý-aǵartý mınıstri Ǵanı Beısembaev.
Eske salaıyq, dene shynyqtyrý muǵalimderine sabaqtan keıin qosymsha sport seksııalaryn ótkizgeni úshin de qosymsha aqy qarastyrylǵan. Bıylǵy jyldyń qyrkúıek aıynan bastap kadr tapshylyǵy bar óńirlerge tartylǵan muǵalimderge laýazymdyq jalaqysynyń 150 paıyzy mólsherinde qosymsha tólem belgilendi.
Aıta keterligi, muǵalimderdiń jalaqysy bilim deńgeıine, biliktiligine, jumys ótiline, oqý júktemesine, magıstr dárejesine jáne basqa da qosymsha tólemderge baılanysty esepteledi.
