Májilis bıýrosy: palatanyń kún tártibi

Qabıbolla Jaqypovtyń tóraǵalyǵynda Máji­lis bıýrosy ótti. Onda palatanyń aldaǵy jalpy otyrysynda qaralatyn kún tártibiniń jobasy naqtylandy, dep habarlady Májilistiń baspasóz qyzmeti. Depýtattardyń talqy­laýy­na birqatar ratıfıkasııalanatyn kelisimder shyǵarylady. Olar: Kaspıı teńizindegi qaýip­sizdik salasyndaǵy ynty­maqtastyq týraly; Qazaq­stan-Reseı arasyndaǵy Qa­zaq­stan aýmaǵy arqyly Qytaı Halyq Respýblıkasyna reseı­lik munaıdy tasymaldaý sa­la­syndaǵy yntymaqtastyq týraly; Aýǵanstan Islam Respýb­lıkasyn turaqtandyrý men qalpyna keltirý jónin­degi is-qımyldarǵa Italııa Res­pýb­lıkasy Qarýly kúshteriniń Qazaqstan aýmaǵy arqyly ás­kerı múlik pen personaldyń tranzıtin qamtamasyz etý týraly;  О́zbekstan Úkimetimen shekara ókilderiniń qyzmeti týraly kelisimder. Jalpy otyrystyń kún tártibine halyq qalaýlylary bas­tamashy bolǵan poshta baı­lanysy salasyndaǵy zań­namasynyń normalaryn Dúnıejúzilik poshta odaǵy aktileriniń normalarymen birizdendirý jáne poshta ope­ra­torlarynyń qyzmetin retteýge qatysty zańnama da engi­zilgen. Palataǵa salalyq komıtet­terge jańa zań jobalaryna qory­tyndy ázirleý mezgilderin  naq­tylaý usynyldy. Olar­dyń qatarynda: Eńbek qaýip­sizdigi men gıgıenasyna jár­dem­desetin negizder týraly kon­vensııany (187-konvensııa) ratıfıkasııalaý týraly já­ne Azamattyq is júrgizý má­se­leleri bar. Osylarǵa «Bitimgershilik qyzmet týraly» zań jobasy ilespe túzetýlerimen já­ne depýtattardyń bastama­shy­ly­ǵymen jasalǵan Halyqaralyq teńiz uıymynyń aýdıtinen ótý týraly zań jobalary da  qo­syldy.