«Bıylǵy jyldyń 6 qańtarynda Sybaılas jemqorlyqqa qarsy qyzmettiń О́zindik qaýipsizdik departamenti Almaty qalasy PD ÁPB arnaıy batalonynyń qyzmetkerlerimen birlesip, jolda júrý erejelerin buzǵany úshin ákimshilik jaýapkershilikke tartylmaý maqsatynda ózin Sybaılas jemqorlyqqa qarsy qyzmettiń qazirgi qyzmetkeri retinde tanystyrǵan 1987 jyly týǵan azamat Ulan Raıdy áshkereledi», dep habarlady ANTIKOR-dyń baspasóz qyzmetinen.
Qujattardy tekserý barysynda quqyq buzýshy Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttigi departamenti qyzmetkeriniń jalǵan qyzmettik kýáligin kórsetken.
Atalǵan azamat ustalyp, ýaqytsha ustaý ızolıatoryna qamaýǵa alyndy.
Tergeý jumystary jalǵasyp jatyr. Tergeý múddesi úshin ózge aqparat jarııa etýge jatpaıdy.
Sybaılas jemqorlyqqa qarsy is-qımyl agenttigi qyzmettik kýálikterdi qoldan jasaý QR Qylmystyq Kodeksiniń 385-baby boıynsha qylmystyq jaýaptylyqqa ákep soqtyratynyna nazar aýdarady.
