Aqparattar aǵyny

● Soltústik Qazaqstanda kóktemgi dala jumystary aıaqtalyp keledi. Bıyl aımaqta 4 mln. 340 myń gektar alqapqa egis ornalassa, onyń 99 paıyzyn dándi daqyldar qurady. Oblys ákimi Erik Sultanovtyń aıtýynsha, bul jumystardy der kezinde ótkizýge satyp alynǵan jańa joǵary ónimdi tehnıkalardyń járdemi az bolmaǵan. ● Shyǵys Qazaqstan oblysynyń orys drama teatry Reseıdegi halyqaralyq festıvalda úsh dúrkin laý­reat atandy. Máskeýdiń irgesinde 19-shy ret ótkizilgen baıqaý «Orys klassıkasy» dep ataldy. Onda О́skemennen barǵan trýppa Nıkolaı Gogoldiń «Úılený toıy» atty týyndysy boıynsha qoıylymmen shyqty. ● Pavlodarlyq konstrýk­torlar biregeı jel qondyr­ǵysyn jasady. Jańa appa­rattyń ereksheligi sonda, jel generatory energııa óndirý jáne artezıan qudyqtarynan sý shyǵarý sekildi birden eki mindetti oryndaıdy. Qazir ol úlgi retinde jasalyp jatyr. Taıaýdaǵy ýaqyttarda joba avtorlary onyń serııalyq óndirisin jolǵa qoımaqshy. ● Shymkentte qoqys óń­deıtin zaýyt tájirıbelik sı­pat­ta iske qosyldy. Qury­lysy 2011 jyly qolǵa alynǵan bul óndiris ortalyǵynyń jumysy endi aıaqtaldy. Ol reseılik mamandardyń aralasýymen qatarǵa turdy. ● Jambyl oblysynda mú­gedek balalardy beıim­deý ortalyǵy ashyldy. Ob­lystyq mekemeniń fılıaly múmkindigi shekteýli 30 balaǵa deıin qabyldaı alady. Jańa ǵı­maratty salý bıýdjetke 8 mln. teńgege tústi. Endi aýyl balalarynyń arnaıy sa­baq­tarǵa barýy úshin qalaǵa sa­bylýynyń jóni joq. ● Qyzylordada jazýshy Qazı Danabaevty eske alýǵa arnalǵan týrnır boldy. Onda mektep oqýshylary shaǵyn fýtboldan, jýrnalıs­ter shahmat pen doıbydan ózara saıysqa tústi. Jarystyń ashylý rásiminde «Men bolmasam bolmaıyn, Sen aman bol, Jahandaǵy jalǵyzym, Qazaqstan!» dep jyrlap, ómirden ótken qa­lamger týraly Qyzylorda memlekettik ýnıversıtetiniń professory Mustafa Mataev jaqsy estelik aıtty. ● Aqtóbelik zeınetker aýa qysymymen júretin qozǵaltqysh oılap tapty. О́ziniń jańalyǵyn EHRO-2017 kórmesine usynbaqshy bolyp otyrǵan Baqbergen Tahanov uzaq jyldar qurylys salasynda eńbek etken. Ol óz avtorlyq ıdeıalaryna 27 jyl ishinde 4 patent alǵan. ● Atyraýda balyqtar qy­rylǵannan keıin aımaq­taǵy barlyq sý qoımalary tekserilýde. Atylmysh ju­mys­qa tabıǵatty qorǵaý prokýratýrasy belsene kiristi. Birinshi kezekte Jaıyq óze­ni­nen shyǵatyn kanaldar, sosyn odan oqshaýlanǵan sý qoı­malary tekserýden ótkiziledi. «QazAqparat», BNews.kz, Abai.kz 24KZ, Otyrar.kz, Altaynews.kz, Egemen.kz agenttikteriniń saıttary derekteri boıynsha daıyndaldy.