Buǵan deıin Shymkent qalasy PD-ǵa memlekettik mekemelerdiń biriniń basshysy júgingen. Er adam onyń iskerlik bedeline nuqsan keltiretin aqparatty taratamyn dep jeke kásipker 50 mln teńge bopsalap otyrǵanyn aıtty.
Atalǵan jaıtty jedel ýákilder QR QK-niń 194-baby «Qorqytyp alý» boıynsha tirkedi.
Uıymdasqan qylmysqa qarsy kúres basqarmasynyń qyzmetkerleri jedel is-sharalar ótkizip, nátıjesinde kúdiktiniń jeke basyn anyqtady. Ol buryn memlekettik satyp alý boıynsha konkýrsqa qatysqan megapolıs turǵyny bolyp shyqty. Alaıda ol konkýrstan jeńilip, jábirlenýshini kinálaǵan. Ony polıseıler 45 mıllıon teńgeni qolma-qol alý kezinde ustady. Onyń 40 mln teńgesi jalǵan aqsha boldy.
Kúdikti qazir qamaýda. Oǵan qatysty sotqa deıingi tergeý amaldary júrgizilip jatyr. Polıseıler ustalǵan adamnyń osyǵan uqsas basqa da qylmystarǵa qatysy bar-joǵyn tekseredi.
