Qazaqstan tennıs federasııasynyń málimetinshe, Danılına búgin jańartylǵan álemdik reıtıngide 11-den 10-orynǵa kóterildi. Bul onyń sporttyq jolyndaǵy jeke rekordy.
Anna úndistandyq Sanıa Mırzamen birge Adelaıda-2 WTA 500 týrnıriniń alǵashqy aınalymynda jarystyń birinshi raketkalary chehııalyq Barbora Kreıchıkova men aýstralııalyq Storm Sanderspen sheberlik baıqasty.
Tartysty kezdesýde birinshi partııada qazaqstandyq-úndistandyq jup 6:3 esebimen basymdyq tanytty. Ekinshi sette qarsylastary dál sondaı eseppen ese qaıyrdy. Sýper taı-breıkte B.Kreıchıkova men S.Sanders jeńisti julyp aldy – 10:6.
Endi Danılına Mırzamen birge jyldyń basty týrnırleriniń biri – Aýstralııa ashyq chempıonatynda óner kórsetedi.
