Búginde Sybaılas jemqorlyqqa qarsy is-qımyl departamenti sotqa deıingi tergep-tekserý áreketterin júrgizip jatyr.
Alty zańbuzýshylyq derek bir ǵana Jańaqorǵan aýdanynda tirkelip otyr. Jaýaptylar mektepte múldem jumys istemeıtin tulǵalarǵa eńbekaqy aýdaryp, qujattardy burmalap kelgen.
Sondaı-aq Qyzylorda qalasyndaǵy №112 mekteptiń kúzetshisine bir aıda 6 mıllıon teńge ústemaqy tólengen. Osyndaı sybaılas jemqorlyq derekterinen keıin oblystaǵy barlyq bilim oshaqtaryna jiti tekserý júrgizilmek.
«Tek bir ǵana №51 orta mektep boıynsha urlanǵan qarajat kólemi 117 mıllıon teńgeni quraıdy. Atalǵan quqyq buzýshylyqtar jaýapty tulǵalarmen eńbekaqy qory qarajattaryn tóleý barysynda tıisti aqparatty júıelerdiń kemshilikterin paıdalana otyryp jasaǵan degen negizder bar», dedi oblystyq Sybaılas jemqorlyqqa qarsy is-qımyl departamenti basshysynyń birinshi orynbasary Asylhan Ashyqov.
