«Turǵyndarmen, onyń ishinde úleskerlermen turaqty túrde kezdesip turamyn. Qurylysy uzaqqa sozylǵan birqatar ǵımaratqa bardym. О́zderińizge málim, ár nysannyń ótken tarıhy ártúrli, olardyń qurylysy birneshe jyldan beri bitpeı keledi. Máselen «Aqerke-2» turǵyn úı kesheniniń tipti irgetasy da bolmaǵan edi, al «Pana» turǵyn úı kesheniniń qurylysy 8 jyl buryn bastalǵan», dep jazdy ákim óziniń Instagram-paraqshasynda.
Shahar basshysynyń aıtýynsha, ákimdik qurylysy uzaqqa sozylǵan nysandardy aıaqtaý boıynsha júıeli jumys júrgizgen. Degenmen qalada qurylysy uzaq jyldarǵa sozylyp ketken turǵyn úıler áli de bar. Al myńdaǵan otbasy jyldar boıy baspanalaryn kútip júr. Jeńis Qasymbektiń aıtýynsha, qurylysy uzaqqa sozylǵan árbir nysandy aıaqtaý boıynsha jospar belgilengen.
«Qalany aralaý barysynda donor-nysandardyń qurylysymen de tanystym. Olar uzaqqa sozylǵan nysandardyń qurylysyn aıaqtaý úshin salynǵan qarajattyń qaıtarymdylyǵyn qamtamasyz etedi. Qurylysy uzaqqa sozylǵan nysandardyń aıaqtalýy Memleket basshysy Qasym-Jomart Toqaevtyń baqylaýynda», dep jazdy elorda ákimi.
