«Áskerı qyzmet jáne áskerı qyzmetshilerdiń mártebesi týraly» Qazaqstan Respýblıkasy Zańynyń 16-babyna jáne Qorǵanys mınıstriniń 2017 jylǵy 24 qańtardaǵy №28 buıryǵymen bekitilgen «Áskerı mindettiler men áskerge shaqyrylýshylardy áskerı esepke alý qaǵıdalarynyń» 17-babyna sáıkes jyl saıyn qańtardan naýryzǵa deıin jergilikti atqarýshy organdar jergilikti áskerı basqarý organdarymen birlesip, azamattardy áskerge shaqyrý ýchaskelerine tirkeýdi júrgizedi.
Tirkeý azamattardy áskerı esepke alý, olardyń sanyn, áskerı qyzmetke jaramdylyq sanatyn aıqyndaý, bilim deńgeıin, alǵan mamandyǵyn jáne dene shynyqtyrý daıarlyǵy deńgeıin belgileý maqsatymen júrgiziledi.
Kórsetilgen málimetter negizinde jergilikti áskerı basqarý organdary áskerge shaqyrý resýrstaryn Qarýly kúshter áskerleriniń, basqa da áskerler men áskerı quralymdardyń túrleri men tekteri boıynsha aldyn ala bólý men Qorǵanys mınıstrliginiń áskerı oqý oryndaryna túsetin kandıdattarǵa irikteý júrgizedi.
Tirkeý barysynda jastarmen áńgimelesý, qajetti qujattardy tekserý jáne emdelýge nemese medısınalyq baqylaýǵa muqtaj jastardy anyqtaý maqsatynda medısınalyq tekserý júrgiziledi.
Is-sharalar aıaqtalǵan soń jastarǵa shaqyrý ýchaskesine tirkelgeni týraly kýálik – Qazaqstan azamatynyń alǵashqy jeke esepke alý-áskerı qujaty beriledi.
Bıyl barlyǵy 110 000-nan astam jas áskerı esepke qabyldanady dep josparlanyp otyr.
