«Aýdan turǵyndary áleýmettik nysandar, ınjenerlik jeliler, joldar men trotýarlar, aýlalar men qoǵamdyq keńistikter salý, abattandyrý, jyly aıaldamalar, beınebaqylaý kameralaryn ornatý, jańa marshrýttardy iske qosý, ınternet, ınfraqurylym nysandary jáne t.b. máselelerdi kóterdi», dep jazdy ákim.
Onyń aıtýynsha, qalada sýmen, jylýmen, elektrmen qosymsha jabdyqtaý qajettiligi bar.
«Kelesi jylytý maýsymy bastalǵanǵa deıin JEO-3, eki gaz jylý stansııasynyń qurylysyn aıaqtaýdy tapsyrdym. Bul nysandar jylýmen jabdyqtaý kólemin edáýir arttyrýǵa, sol sııaqty qurylysy júrip jatqan aýdandardy jylýmen qamtýǵa múmkindik beredi. Sonymen qatar bıyl aýyz sý stansııasyn (SSS-3) tolyq qýatta iske qosýdy josparlap otyrmyz, bul sý berý máselesin de sheshedi. Degenmen birneshe jyldan keıin bul da jetkiliksiz bolady. Sol sebepti qalanyń bas josparynyń jobasyna elordanyń tirshiligin durys qamtamasyz etýge múmkindik beretin birqatar nysannyń qurylysyn engizemiz», delingen jazbada.
Kezdesýde turǵyndar №15 qalalyq emhana men №13 mektep boıynsha máselelerdi kóterdi.
Kóktem mezgiliniń kelýimen aýdandardy abattandyrý, joldar men trotýarlar, aýlalar men qoǵamdyq keńistikter salý jáne t.b. boıynsha júıeli jumystar jalǵasady.
