2023 jylǵy shyǵarylymda ál-Farabı atyndaǵy QazUÝ QS Asia University Rankings reıtınginde úzdik 6% qataryna endi.
2009 jyldan bastap jyl saıyn shyǵarylatyn QS Asia University Rankings reıtıngi jyl saıyn Azııanyń úzdik ýnıversıtetterin bólip kórsetedi. QazUÝ «QS Asia University Rankings» reıtıngine alǵash ret álemge áıgili Sıngapýr Ulttyq ýnıversıteti, Pekın ýnıversıteti, Tokıo ýnıversıteti, Malaı ýnıversıteti, Koreı ýnıversıtetterimen qatar alǵash ret qatysyp otyr.
Azııanyń 2023 jylǵy úzdik ýnıversıtetteriniń reıtıngi 757 ýnıversıtettiń qyzmetin taldady. QS Asia University Rankings reıtıngin jasaý úshin paıdalanylatyn 11 kórsetkish mynadaı:
Akademııalyq bedel (30%);
Jumys berýshiniń bedeli (20%);
Oqytýshylar men stýdentterdiń araqatynasy (10%);
Halyqaralyq zertteý jelisi (10%);
Maqalaǵa dáıeksózder (10%) jáne oqytýshylardyń maqalalary (5%);
Doktorlyq dárejesi bar personaldar (5%);
Sheteldik oqytýshylardyń úlesi (2,5%) jáne sheteldik stýdentterdiń úlesi (2,5%);
Almasý boıynsha kelgen stýdentterdiń úlesi (2,5%) jáne almasý boıynsha ketken stýdentterdiń úlesi (2,5%).
Bul kórsetkishtiń barlyǵy úzdik ýnıversıtet qyzmetin obektıvti jáne tolyq sıpattaıdy. Jahandyq reıtıng nátıjeleri boıynsha ál-Farabı atyndaǵy QazUÝ jetistikterin saraptaı otyryp, halyqaralyq reıtıngterde birte-birte jáne turaqty ósýdi kórsetip, alǵa jyljyp keledi.
