Erbol Qarashókeevtiń aqparaty boıynsha byltyr jalpy aýyl sharýashylyǵy óniminiń kólemi 9,3 trln teńgege baǵalandy. Kórsetkish 9,1%-ǵa ulǵaıǵan. Bul ósimdik sharýashylyǵy ónimin óndirýdiń 15%-ǵa ulǵaıýynyń nátıjesinde júzege asyp otyr. Qolaıly aýa raıy egin jınaý naýqanyn toqtaýsyz ótkizýge jáne 22,8 mıllıon tonna astyq jınaýǵa múmkindik berdi. Bul sońǵy 10 jyldaǵy eń jaqsy astyq daqyldarynyń kórsetkishi bolyp otyr.
Mal sharýashylyǵynda jalpy ónimniń kólemi 0,9%-ǵa ulǵaıǵan. Bul 3,6 trln teńgege baǵalanatyn kórsetkish. Mınıstr et óndirý kólemi tirideı salmaqta 0,4%-ǵa (shamamen 2,2 myń tonna), sıyr sútin óndirý kólemi 2%-ǵa (6,3 myń tonna), taýyq jumyrtqasyn óndirý kólemi 4,4%-ǵa (5 mln. dana) óskenin atap ótti.
О́tken jyly tamaq ónimderiniń óndirisi 3,9% ósý dınamıkasyn kórsetip, aqshalaı esepte 2,9 trln teńgege baǵalanǵan. Elimizde ósimdik maıy, qant, jarma, un, shujyq jáne makaron ónimderi kóbirek óndirile bastady.
«2022 jyly 241,3 mlrd teńge somasyna 267 joba paıdalanýǵa berildi. Jobalar sany boıynsha 2022 jylǵa arnalǵan jospar oryndaldy. Nátıjesinde, esepti kezeńde aýyl sharýashylyǵynyń negizgi kapıtalyna salynǵan ınvestısııalar kólemi 6,9%-ǵa ulǵaıyp, 855,7 mlrd teńgege teńestirilgen», dedi Erbol Qarashókeev Úkimet otyrysynda.
