Osy ataýly kúnge oraı Qazaqstan Syrtqy ister mınıstriniń orynbasary Roman Vasılenko men Chehııanyń Qazaqstandaǵy Elshisi Rýdolf Gıkl eki memleket basshylarynyń jáne syrtqy ister mınıstrleriniń atynan quttyqtaý hattarymen almasýdyń saltanatty rásimin ótkizdi.
«Chehııa men Qazaqstan arasyndaǵy ekijaqty qarym-qatynastar ejelden kele jatqan dostyq sıpatqa ıe, kópjaqty salalardaǵy yntymaqtastyq tabysty damyp kele jatyr», dep atap ótti Cheh Respýblıkasynyń Prezıdenti Mılosh Zeman quttyqtaý hatynda.
Kezdesý barysynda qazaqstandyq dıplomat úsh onjyldyq ishinde qos eldiń yntymaqtastyǵy serpindi damyp, ózara tıimdi áriptestikke aınalǵanyna qanaǵattanýshylyǵyn bildirdi.
Ekijaqty qatynastar delegasııalardyń turaqty almasýymen sıpattalady, eki eldiń ózara is-qımylyn damytýdyń tıimdi jáne pármendi tetikteriniń biri ekonomıkalyq, ónerkásiptik jáne ǵylymı-tehnıkalyq yntymaqtastyq jónindegi úkimetaralyq komıssııa bolyp sanalady. Búgingi tańda ınvestısııalar, kólik jáne logıstıka, IT tehnologııalar, aýyl sharýashylyǵy, týrızm, densaýlyq saqtaý, mádenıet jáne bilim berý sııaqty salalarda ózara is-qımyldyń naqty perspektıvalary bar ekendigi atap ótildi.
Qazaqstan-Chehııa arasyndaǵy myqty saıası qarym-qatynastar men jan-jaqty shart-quqyqtyq baza saýda-ekonomıkalyq jáne ınvestısııalyq salalardaǵy áleýetti iske asyrý úshin qolaıly negiz qalady.
Chehııa - Eýropalyq odaǵyndaǵy elder arasynda Qazaqstannyń mańyzdy saýda áriptesteriniń biri. 2022 jyldyń 11 aıynda eki el arasyndaǵy taýar aınalymy ótken jyldyń sáıkes kezeńimen salystyrǵanda 57,7%-ǵa ulǵaıyp, 370,9 mln AQSh dollaryna baǵalanǵan. 2022 jyldyń eki toqsanynda QR-daǵy TShI-diń jalpy aǵyny 15,3 mln AQSh dollarǵa jetken. Qazirgi ýaqytta Qazaqstanda 138 cheh kompanııasy óz qyzmetin júzege asyryp keledi.
R.Vasılenko men R.Gıkl saýda-ekonomıkalyq, ınvestısııalyq, mádenı-gýmanıtarlyq baılanystardy odan ári keńeıtýge jáne tereńdetýge múddeliligin rastady.
