Qasym-Jomart Toqaevqa áskerı daıyndyqtyń jaı-kúıi, Qazaqstan armııasynyń quramy men qurylymyn jetildirý, júrgizilgen jedel jáne jaýyngerlik ázirlik sharalary jóninde aqparat berildi.
General-polkovnık Rýslan Jaqsylyqov byltyr Arnaıy operasııalar kúshteri qurylǵanyn, desanttyq-shabýyldaý áskeriniń áleýeti artyp kele jatqanyn jetkizdi.
Qazirgi syn-qaterler men qaýipterge baılanysty áskerdiń jaýyngerlik ázirlik baǵdarlamasy qaıta qaraldy. Memleket basshysyna armııadaǵy jaǵymsyz jaıttardyń aldyn alý, jastardyń áskerı boryshyn oryndaýǵa degen qulshynysyn arttyrý, sondaı-aq áleýmettik qamsyzdandyrý júıesin jetildirý jóninde qorǵanys vedomstvosynyń qabyldap jatqan sharalary týraly málimet berildi.
Qorǵanys mınıstri Qarýly Kúshterdi zamanaýı tehnıkamen jáne qarý-jaraqpen jabdyqtaý, aýmaqtyq qorǵanys áskerin damytý, áskerı ınfraqurylymdy jetildirý jáne bitimgerlik múmkindikterin keńeıtý jóninde baıandady. Sondaı-aq Prezıdentke paıdalanylmaıtyn áskerı múlik pen qarý-jaraqty joıý sharalary týraly esep berildi.
Budan bólek, Joǵarǵy Bas qolbasshyǵa jaýyngerlik ázirlikti shyńdaý, sonyń ishinde halyqaralyq deńgeıdegi áskerı oqý-jattyǵý jıyndaryn ótkizýge qatysty bıylǵa josparlanǵan is-sharalar týraly baıandaldy.
Kezdesý sońynda Qasym-Jomart Toqaev áskerı qyzmetshilerdiń ómiri men densaýlyǵyn saqtaý, áskerı ortadaǵy moraldyq-psıhologııalyq ahýaldy jaqsartý mańyzdy ekenin atap ótti. Sondaı-aq mınıstrlikke elimizdiń qorǵanys qabiletin odan ári arttyrý, merzimdi áskerı qyzmetke shaqyrýdyń kóktemgi naýqanyn sapaly uıymdastyrý jóninde birqatar tapsyrma berdi.
