Búgin Qostanaı oblysy TJD Qamysty aýdany TJ bóliminiń qyzmetkerleri Altynsary aýyly men Svobodnoe aýyly arasynda Ázerbaıjan azamatynan habarlama alǵan. Ol júk fýrasynyń buzylǵanyn aıtyp, kómek suraǵan. Shaqyrý ornyna Qamysty aýdany TJB bastyǵy jáne bólimniń aǵa ınjeneri barǵan. 80 shaqyrym joldy júrip ótken olar Altynsary aýylynan 9 shaqyrym jerde «VOLVO» markaly aýyr júk kóligin tapqan.
«Ázerbaıjan azamaty júk kóligimen Astana qalasyna navıgatormen bara jatqan eken. Qashyqtyqty qysqartý úshin júrgizýshi Qamysty aýdanynyń aýmaǵyndaǵy dala jolymen júrýge sheshim qabyldaǵan. Alaıda jolda dızeldi qozǵaltqysh temperatýranyń tómendeýine sezimtal bolyp shyqqan. Sondyqtan kólik dalada toqtap qalǵan», delingen habarlamada.
Qutqarýshylar tońǵan júrgizýshini Altynsary aýylyna jetkizip, ony jergilikti jataqhananyń jylytý pýnktine ornalastyrǵan. Onda oǵan qaýipsiz jataqhana uıymdastyrylǵan.
Qostanaı oblysynyń TJD azamattardy qysqy avtojoldarda óte saq bolýǵa shaqyrdy. Jeke qaýipsizdik maqsatynda qolaısyz meteojaǵdaılar kezinde alys saparlarǵa shyqpaý kerek.
