Vedomstvoda habarlaǵandaı, 2022 jyldyń aqpan-tamyz aılarynda Áleýmettik medısınalyq saqtandyrý qory Qordyń barlyq fılıaldarynyń jumysyn keshendi tekserýge bastamashylyq jasady.
2022 jylǵy maýsymda Mańǵystaý oblysyna 2017-2021 jyldar kezeńinde tekserý júrgizildi. Bul tegin medısınalyq kómektiń kepildik berilgen kólemi sheńberinde jáne mindetti áleýmettik medısınalyq saqtandyrý júıesinde medısınalyq qyzmetterdi satyp alý sharttaryn jasasý kezinde jiberilgen birqatar buzýshylyqty anyqtaýǵa múmkindik berdi.
«Tekserý barysynda jalǵan medısınalyq qyzmet kórsetý derekteri anyqtalyp, olar medısınalyq aqparat júıelerine engizilgeni anyqtaldy. Osylaısha, kórsetilmegen aýrýhanaǵa jatqyzý jáne vaksınasııa faktileri anyqtaldy», delingen habarlamada.
2022 jylǵy tamyzda Qor osy fakti boıynsha is júrgizý sheshimin qabyldaý úshin tıisti organdarǵa ótinish joldady.
Buǵan deıin Aqtaýda áleýmettik jáne medısınalyq saqtandyrý qory fılıalynyń basshysy Rýslan Bektibaev qarjylyq alaıaqtyq jasaǵany úshin qamaýǵa alynǵanyn habarlaǵan edik.
