«Alýa» – Raıymbek Seıtmetovtiń bir tynysy

Stýdenttik jyldardan bas­tap-aq kınostýdııaǵa jaqyn bolyp, aldymen dýblıaj jasaýǵa qatysyp, odan keıin rólderde oınaǵan akterdiń armany asqaq, bolashaqqa degen umtylysy bólek edi. Joǵary oqý ornyn bitirer jyly «Qazaqfılm» kınostýdııasynda M.Begalın qoı­ǵan «Jerge qaıtyp oralý» atty fılm­de eki basty róldi oınady. Olardyń birinshisi – qoıshy bala Ermek te, ekinshisi – ártis Asqar Álıev. Kıno túsirý aıaqtalǵannan keıin «Qazaqfılm» stýdııasyna akter bolyp jumysqa turyp, óner jolyn bastady. Akter óz esteliginde: «Túrkistannyń búgini men erteńin oılaǵanda kóńilimde bir túıtkil turdy. Túrkistannyń rýhyn kóterý úshin eń áýeli sol jerdiń rýhanı ıgilikterin jasaýymyz qajet. О́zim uzaq jyldar qyzmet etken óner salasynyń bıiginen qarasam, Túrkistanǵa teatr kerek. Elimiz egemendik aldy, Túrkistan qaıta túleıtin bolady dep, jastaıymnan baýyr basyp qalǵan Almatyny, ataq-abyroıyna ıe bolǵan óner ordasyn tastap, týǵan jerge tartyp ketýimniń basty sebebi de sol bo­latyn. Osynda jınaqtalǵan táji­rıbemdi, azdy-kópti ónerimdi sonda alyp baraıyn dep shesh­tim. Túrkistan qaıta túlep, irgesin keńitip jatqanda sonyń bir shegesi bolyp qalǵym keldi…» dep jazady. Al onyń teatr óne­rine qosqan úlesi týraly zamandastary da jaqsy kózqarasqa ıe. «...Elimiz aman bolsa, jerimiz bú­tin bolsa, sahna óneriniń týy jyǵylmasa, onda Raıymbektiń romantıkasy men epıkasy, sezimi men syry, parasaty men paıymy esh kómeski tartpastan, sahnany kıe tutar talaı urpaqtyń jolyna nur sáýlesin túsirip, tań juldyzyndaı óner aspanynda ámánda jarqyrap turatyn bolady», dep jazady akademık Aqseleý Seıdimbek.

Biz búgin Muhtar Áýezovtiń «Alýa» pesasy jáne ony sah­nalaǵan Raıymbek Seıtmetov týraly sóılemekpiz. 1983 jyly Ǵ.Músirepov atyndaǵy balalar men jasósipirimder teatryna kórkemdik jetekshi bolyp bar­ǵan Seıtmetov quldyrap ketken teatr, qojyraǵan óner ujymy­na durys basshylyq kerek ekenin birden ańdap, tyń dúnıelerdi sahnalap, kórermenniń kóńilin tabýdy kózdeıdi. Onyń basshy­lyǵymen teatr ujymy eki-úsh jylda qaıta eńse tiktep, jańa nátıjelerge qadam tastaı­dy. Re­jısser osy sátterin «Jańa dú­nıe kerek bolǵasyn, M.Áýe­zov­tiń «Alýasyn» sahnaladym. «Alýa» spektakli – meniń shyǵar­mashylyq ómirimniń bir belesi. Bul M.Áýezovtiń jazylyp, biraq 30 jyl boıy qoıylmaı tartpada jatqan shyǵarmasy bolatyn. Bul bizdiń teatrymyz úshin de, ulttyq teatr óneri úshin de úlken oqıǵa boldy», dep baıandaıdy. Eńbektiń jemisi ótelip, «Alýa» spektakli kórermen­niń kóńilinen shyǵady. Spektakl­diń joǵary deńgeıde qoıylǵa­ny úshin rejısser Seıtmetovke, Alýa rólin somdaǵan Gúljamal Qazaqbaevaǵa, Mákil Qulanbaev pen Muhtar Baqtygereevterge Qazaqstan Respýblıkasynyń Memlekettik syılyǵy beriledi. Bylaısha aıtqanda, bir qoıy­lym­ǵa qatysy bar tórt óner qaı­ratkeri birge marapattyń bıik tó­rinen kórinedi. Sol úshin de biz keshigip kórermenimen jolyq­qan «Alýa» spektaklin rejısser Raıymbek Seıtmetovtiń bir tynysy der edik.