Barlyǵy 20 túrli dári satyp alynǵan. Olardyń ishinde julyn bulshyqet atrofııasy bar balalarǵa qoldanylatyn álemdegi eń qymbat dárilik zat – «Zolgensma» («Onasemnogen abeparvovek») bar. Onkologııalyq jáne onkogematologııalyq derti bar pasıentterge, sondaı-aq Dıýshenniń bulshyqet dıstrofııasy, mýkovıssıdoz, týa bitken lıpodıstrofııa, júıeli qyzyl jegi, ókpeniń lımfangıoleıomıomatozy, epılepsııanyń sırek jáne farmakorezıstentti túrleri, tuqym qýalaıtyn angıonevrotıkalyq isiný, jasóspirimderdiń ıdıopatııalyq artrıti, paroksızmaldy túngi gemoglobınýrııa aýrýy, atıpti gemolıtıkalyq-ýremııalyq sındrom sııaqty dıagnozdary bar emdelýshilerge arnalǵan dári-dármekter satyp alyndy.
Qor tarapynan qoldaý kórgen balalardyń biri – Taıra Muhtar. Neıroblastoma dıagnozy qoıylǵan. Remıssııaǵa shyǵý úshin balaǵa «Karzıba» («Dınýtýksımab beta») preparaty berildi. Dáriniń 1 qutysynyń baǵasy 6 898 600 teńge. Taıranyń emdik kýrsy úshin 25 quty satyp alyndy. «Karzıba» – Qazaqstanda tirkelmegen, aýyr túrdegi neıroblastomany emdeýge arnalǵan qymbat dári.
«О́tken jyly 2 jasar qyzyma neıroblastoma dıagnozy qoıylǵanda, tıimdi emdeý júrgizý úshin «Karzıba» dárisimen ımmýnoterapııa kerektigin estidim. О́kinishke qaraı, kepildendirilgen memlekettik medısınalyq kómek aıasynda bul preparat berilmeıdi. Mysaly, Reseıde osy dárini satyp alý úshin ata-analar 30 mıllıon rýbl jınaýǵa májbúr. Men de preparatty alý úshin jınaǵan múlikti satyp, qaryz alýǵa jáne qarajat jınaý úshin qor ashýǵa týra keletinine daıyndalyp júrdim. Biraq «Qazaqstan halqyna» qorynyń arqasynda qyzym 3 emdeý kýrsynan ótti, endi taǵy 2 kýrsy qaldy. Tolyǵymen saýyǵyp shyǵýǵa, ómir boıy remıssııaǵa shyǵýǵa múmkindik bar. Shetelge barýdyń, qor ashýdyń, balamyzdyń densaýlyǵy úshin únemi qorqynyshpen ómir súrýdiń qajeti joq. Qazir biz óz elimizde emdelip jatyrmyz, emdeý arasyndaǵy úziliste týystarymyzdyń janynda bolamyz», deıdi Taıranyń anasy Tańsholpan Qurmanalıeva.
Orfandyq jáne aýyr syrqattardy emdeý dári-dármekterdiń joǵary qunymen erekshelenedi. Bul sırek dárilik zattardyń jetkizýshisin izdeý kúrdeli úrdis, ári dári-dármek tek aldyn-ala jiberilgen ótinimder boıynsha ǵana shyǵarylady. Sondyqtan sırek kezdesetin dárilerge ótinimder aldyn-ala jiberilýi tıis. Odan bólek dıstrıbıýtorlar preparattardyń az mólsherin jetkizýge múddeli emes ekenin de atap ótken jón.
