Ǵalymjan Pirmatov túsindirgendeı, ekonomıkalyq ósý traektorııasy Ulttyq banktiń bazalyq jospary boıynsha qalyptasady.
«Ulttyq statıstıka bıýrosynyń aldyn ala baǵalaýy boıynsha 2022 jyly jalpy ishki ónim 3,1%-ǵa ósti. Iskerlik belsendiliktiń ósýi negizinen taýar óndirisindegi oń dınamıkaǵa baılanysty. Eń kóp ósim astyq jınaýdyń rekordtyq kórsetkishi aıasyndaǵy qurylysta – 9,4%-ǵa jáne aýyl sharýashylyǵynda – 9,1%-ǵa baıqaldy. Saýda, kólik jáne baılanys arqyly qyzmet kórsetý salasy da ósip keledi. Osylaısha 2022 jyly IJО́ ósimi Ulttyq bank baǵalaýynyń joǵarǵy shegine jaqyn», dedi Ǵalymjan Pirmatov Ulttyq bankte ótken brıfıngte.
Ol sondaı-aq 2022 jyly úı sharýashylyǵynyń suranysy oń úrdisti saqtaǵanyn, biraq onyń ósimi baıaý kúıinde qalǵanyn habarlady. Úı sharýashylyqtary suranysynyń bul úlgisine halyqtyń naqty kiristerine keri áserin tıgizgen joǵary ınflıasııa yqpal etti.
«Suranys tutynýshylyq nesıemen qamtamasyz etiledi. 2022 jyldyń qarasha aıyndaǵy jaǵdaı boıynsha tutynýshylyq nesıeler jyl basynan beri 24,1%-ǵa ósip, 7,6 trln teńgeni qurady. Iri bankterdiń marketıngtik áreketteri tutynýshylyq nesıeleýdiń ósýin yntalandyrýdy jalǵastyryp keledi. Osynyń aıasynda bólshek saýda aınalymynyń dınamıkasy turaqty ósý qarqynyn kórsetip otyr», dep qorytyndylady Ǵalymjan Pirmatov.
