QR Parlamenti Senaty depýtaty saılaýynda oblystaǵy 147 máslıhat depýtatynyń 141-i daýys berýge qatysty. Daýys berý nátıjesinde Jorabek Nurymbetovke 18, Rýslan Rústemovke 95, Asylbek Shámenovke 27 depýtat qoldaý bildirgen.
Rýslan Rústemov 1968 jyly týǵan. Ál-Farabı atyndaǵy Qazaq ulttyq ýnıversıtetin bitirgen.
Eńbek jolyn Qyzylorda pedagogıkalyq ınstıtýtynyń Qazaq ádebıeti kafedrasynyń oqytýshysy retinde bastaǵan.
1997-2002 jyldary Qyzylorda qalasy ákiminiń apparatynda maman, konsýltant, Qyzylorda qalasy ákiminiń baspasóz hatshysy, Qyzylorda qalalyq mádenıet bóliminiń meńgerýshisi, Qyzylorda qalasy ákimi apparatynyń ishki saıasat jáne áleýmettik sala bóliminiń meńgerýshisi.
2002-2008 jyldary oblystyq mádenıet basqarmasy bastyǵynyń orynbasary, oblys ákimi apparatynyń áleýmettik-saıası bóliminiń meńgerýshisi, Shıeli aýdany ákimi apparatynyń basshysy, aýdan ákiminiń orynbasary qyzmetterin atqardy.
2010-2019 jyldary oblystyq tilderdi damytý, oblystyq ishki saıasat basqarmalarynyń basshysy, Qyzylorda qalasy ákiminiń orynbasary, Jańaqorǵan aýdanynyń ákimi, oblys ákiminiń orynbasary boldy.
2022 jyldyń sáýir aıynan bastap Qyzylorda oblysynyń mádenıet jáne sport basqarmasynyń basshysy qyzmetin atqaryp kelgen.
