Bıylǵy 10 qańtarda qyzmettik ıt Shý stansııasynda Almaty oblysynyń turǵynyn tekserý kezinde esirtki zatyn tapty. Onyń sómkesinen jalpy salmaǵy 12 keli 480 gramm «marıhýana» esirtki zaty tabylyp, tárkilendi. Bul týraly Kóliktegi polısııa departamentiniń bastyǵy Baqytjan Malybaev aıtty.
«Atalǵan fakti boıynsha QR Qylmystyq kodeksiniń 296 - baby 4-bóligi, ıaǵnı esirtki quraldaryn asa iri mólsherde zańsyz saqtaý boıynsha sotqa deıingi tergep-tekserýdi bastady», dedi B. Malybaev.
Kúdikti Shý aýdanynda jabaıy qarasora jınap, olardy Almaty qalasyna temir jol kóligimen tasymaldaýdy josparlaǵany anyqtaldy.
«Qazirgi ýaqytta ustalǵan azamat polısııa bóliminiń ýaqytsha ustaý ızolıatoryna qamaldy, tergeý júrgizilýde», dep túıindedi sózin polısııa polkovnıgi.
