Jeltoqsan aıynyń sońynda bazar aýmaǵynda tórt er adamǵa arnalǵan baǵdarlaý qaǵazdary ilindi. Ilespe aqparatqa sáıkes, olar iri kólemdegi alaıaqtyq jasady degen kúdikke ilingen. Qylmyskerlerdi Almaty oblysy Qarasaı aýdandyq krımınaldyq polısııa bólimi izdestirip jatyr.
Almaty oblysynyń polısııa departamenti bul adamdardyń izdeýde ekenin rastady. Qylmyskerlerdiń tórteýi de halyqaralyq izdeýde.
«Krımınaldyq polısııa qyzmetkerleri 1982 jyly týǵan Danııar Ábdiǵaparovqa halyqaralyq izdeý jarııalady. Ol Qylmystyq kodekstiń 190-baby, ıaǵnı «alaıaqtyq» boıynsha qylmys jasady degen kúdikke ilindi, sondaı-aq krımınaldyq polısııa qyzmetkerleri 1982 jyly týǵan Jumadın Patovqa, 1984 jyly týǵan Qanat Jaqaevqa halyqaralyq izdeý jarııalady. Olar Qylmystyq kodekstiń 190-baby, ıaǵnı «alaıaqtyq» boıynsha qylmys jasady degen kúdikke ilindi», dep habarlady oblystyq polısııa departamentiniń baspasóz qyzmetinen.
Almaty oblysynyń prokýratýrasy bul qylmystyq is óz baqylaýynda ekenin qosty.
«Qazirgi ýaqytta joǵaryda atalǵan tulǵalardy ustap, Qarasaı aýdandyq polısııa bóliminiń ýaqytsha ustaý ızolıatoryna ornalastyrýǵa baǵyttalǵan jedel izdestirý sharalary júrgizilip jatyr. Nátıjeleri keıinirek habarlanady. Sonymen birge bul qylmystyq is Almaty oblysy prokýratýrasynyń baqylaýynda», dep atap ótti qadaǵalaý organynan.
