«Qostanaı tańy» basylymynyń jazýynsha M.Shúlenov buǵan deıin, 2022 jyldyń tamyzynan beri ákimniń keńesshisi bolyp qyzmet atqaryp kelgen. Endi ol bilim, áleýmettik qorǵaý, jumyspen qamtý, densaýlyq saqtaý, jastar saıasaty máseleleri, mádenıet jáne sport salalaryna jaýapty bolady.
Májıt Maqsutulynyń memlekettik qyzmette 11 jyldan astam ýaqyt eńbek ótili bar. Eńbek jolyn 1988 jyly bastaǵan. 1998 jyldan 2007 jylǵa deıin memlekettik organdarda túrli laýazymdarda jumys istegen. Máselen, «Agromashholdıng» AQ prezıdentiniń qoǵammen baılanys jónindegi keńesshisi, qoǵammen baılanys departamentiniń dırektory, «Tobyl» ÁKK» AQ uıymdastyrý-baqylaý departamentiniń basshysy, oblystyq ákimdiktiń ishki saıasat basqarmasynyń basshysy.
Sondaı-aq 2017-2018 jyldary aralyǵynda Qazaqstan halqy oblystyq Assambleıasynyń hatshylyǵynyń meńgerýshisi boldy.
