Shoǵyrlandyrylǵan birlesken kompanııaǵa birigedi

«Qashaǵan» jobasynyń ıgerý operasııalarynan óndirý kezeńine ilgerileýi konsorsıýmnyń Soltústik Kaspıı boıynsha О́nimi bólisý kelisimi aıasynda resýrs­­tardy odan ári ıgere berýge ázirleý maqsatynda operator men agentterdiń budan bylaıǵy ıntegrasııasy men qyzmetterin birlestirýge múmkindik beredi. Bul múmkindikti meılinshe tıimdi paıdalaný úshin konsorsıým úleskerleri aǵymdaǵy operasııalyq úlgiden birte-birte biryńǵaı shoǵyrlandyrylǵan birlesken kompanııaǵa ótý jóninde kelisti. Osyǵan oraı, NKOK kompanııasy tómendegideı arnaıy málimdeme taratyp otyr. «Biryńǵaı shoǵyrlandyrylǵan birlesken kompanııa NKOK jáne ıgerý, burǵylaý jáne paıdalaný jumystaryna bekitilgen agentter tarapynan qalanǵan berik negizderge súıene otyryp qurylady. Jańa kompanııa konsorsıým músheleri ázirlegen qoldanystaǵy quraldar men prosesterdi qamtıtyn biryńǵaı korporatıvtik basqarý júıesi aıasynda jumys isteıtin bolady. Biryńǵaı shoǵyrlandyrylǵan birlesken kompanııa «North Caspian Operating Company» (NCOC) dep atalady dep kútilýde». Operator kompanııanyń málim­demesinde aıtylǵandaı, ıntegrasııa men birigýdi ústimizdegi jyly bastaý josparlanýda. Biryńǵaı operasııalyq kompanııany qurýǵa baǵyttalǵan jumystar qubyrdy jóndeýge qatysty jumystarǵa, ne bolmasa óndiristi jańǵyrtýǵa ázirlik jumystaryna, sonymen birge, «Qashaǵan» ken ornyn ıgerýdiń birinshi kezeńinde qalǵan jumystardy aıaqtaý boıynsha jumystaryna áser etpeıdi. Oryn alǵan ózgerister týraly resmı málimdeme jasalǵanǵa deıin aǵymdaǵy basshylyqpen qoldanystaǵy operasııalyq úlgi paıdalanylatyn bolady. Biryńǵaı operasııalyq kompanııaǵa qarasty personaldyń basym bóligi Atyraý qalasynda jumys isteıdi. Memlekettik qyzmettegi resmı tulǵalarmen qarym-qatynas ornatýǵa jaýapty qyzmetkerler Astanada ornalasady. Jańa úlgige josparly túrde ótkennen keıin Soltústik Kaspıı boıynsha О́nimdi bólisý jónindegi kelisimge sáıkes menshik qurylymynda ózgerister bolady dep kútilmeıdi. Jaqynda, joba operatory – NKOK-tyń basqarýshy dırektory laýazymyna «EksonMobıl» kompanııasynda jumys jasaǵan Stefan de Maııo taǵaıyndaldy. Joldasbek ShО́PEǴUL,  «Egemen Qazaqstan». Atyraý oblysy.