Moıynqum aýdanynyń tabıǵatty qorǵaý polısııasynyń ınspektorlary «Ohotzooprom» óńirlik basqarmasynyń ókilderimen birlesip, «Ańdasaı» erekshe qorǵalatyn memlekettik tabıǵı aýmaǵynda aqbóken aýlaǵan eki adamdy ustady.
Olar Moıynqum aýdanynyń 23 jáne 24 jastaǵy turǵyndary bolyp shyqty. Tekserý kezinde ustalǵandardan aqbókenniń kesilgen etteri, eki ańshylyq tegis uńǵyly myltyq, oq-dáriler jáne pyshaq tabylyp, tárkilendi.
Osy derekke qatysty QR QK-niń 337-baby 4-bóligimen (Zańsyz ańshylyq) sotqa deıingi tergeý amaldary bastaldy.
Kúdiktiler óz kinásin moıyndady. Birqatar qajetti saraptama taǵaıyndaldy.
